Вынесены прысуд кіраўніку гомельскага Белінвестбанка, якога адначасова судзілі за палітыку, карупцыю і наркотыкі
Алега Гарэлава судзілі па трох артыкулах.
Суд над Алегам Гарэлавым пачаўся 8 лютага ў Гомельскім абласным судзе.
Яго вінавацілі па трох артыкулах: «атрыманне хабару ў асабліва буйным памеры» (ч. 3 арт. 430), «распальванне варожасці» (ч. 1 арт. 130) і «незаконныя выраб, перапрацоўка, набыццё, захоўванне, перавозка або перасылка наркатычных рэчываў без мэты распаўсюду» (ч. 1 арт. 328). Яму пагражала да 15 гадоў турмы.
Па версіі следства, мужчына лабіраваў інтарэсы знаёмага бізнэсмэна, атрымаўшы за гэта хабар. Таксама Гарэлаў пакідаў негатыўныя каментарыі ў інтэрнэце на адрас супрацоўнікаў праваахоўных органаў і, да ўсяго іншага, высушваў марыхуану для асабістага ўжывання.
Як паведамляе «Гомельская вясна», сёння суддзя Аляксандр Піскуноў прыгаварыў Гарэлава да 10 гадоў пазбаўлення волі ва ўмовах узмоцненага рэжыму, штрафу ў памеры 1000 базавых велічынь (40000 рублёў), таксама былы банкір пазбаўлены права займаць пасады, звязаныя з выкананнем арганізацыйна-распарадчых абавязкаў тэрмінам на пяць гадоў.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў89
Каментары