«Пара заўсёды была ветлівай». З'явіліся новыя факты пра знікненне і забойства ў Нямеччыне ўкраінскіх мамы і бабулі
Bild расказаў новыя падрабязнасці выкрадання пяцітыднёвай дзяўчынкі ў нямецкім Хакенхайме і забойства яе ўкраінскіх мамы і бабулі.
Дзіця было знойдзена ў доме пары ў ціхім жылым раёне на ўскраіне Зандхаўзена. Гэта немец Марка А. (44 гады), які працуе ў мясной краме, і яго жонка рускага паходжання Іна (43 гады).
Некалькі месяцаў яны адкрыта казалі суседзям і калегам па працы аб будучым «нараджэнні» дачкі. Пры тым, што ў іх ужо ёсць трое сыноў.
«Ён з гонарам паказаў мне ружовую шапачку для дзіцяці. Я ўсё яшчэ была здзіўлена, таму што яго жонка ўвогуле не выглядала цяжарнай. Але я ніколі не чакала такога злачынства. Пара заўсёды была вельмі ветлівай і здавалася мілай», — кажа суседка.
Іншы сусед расказаў, што пару затрымлівала цэлая група захопу.
«У сераду ўвечары, каля 19:00, перад домам спынілася некалькі машын з віскам шын, з якіх выйшлі шматлікія людзі ў масках. Калі я выйшаў, мой сусед сядзеў перад домам са звязанымі рукамі. Толькі калі я патэлефанаваў у паліцыю, я даведаўся, што гэта была паліцэйская аперацыя. Спачатку я баяўся, што гэта была моцная атака», — распавёў сусед.
Апошні раз украінскую сям'ю бачылі ў рэстаране ў суправаджэнні жанчыны, якая ў сацыяльных сетках прапанавала ім дапамогу з афармленнем дакументаў. Пакуль незразумела, гэта іншая жанчына ці Іна і ці арыштаваная яна.
Нагадаем, спачатку было знойдзена цела маці, затым жывая дзяўчынка, а потым цела яе бабулі.
Цяпер чытаюць
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку23
Каментары