Расія зноў атакавала Украіну «Шахедамі»: пашкоджаны аб'екты інфраструктуры ў Жытомірскай і Адэскай абласцях
Сем беспілотнікаў былі знішчаныя.
У ноч на панядзелак, восьмае красавіка, расейскія войскі атакавалі Украіну 24 дронамі-камікадзэ тыпу «Шахед», украінскія сілы СПА збівалі беспілотнікі ў Мікалаеўскай, Адэскай, Кіраваградскай, Хмяльніцкай і Жытомірскай абласцях, паведамілі ў камандаванні паветраных сіл УСУ.
У сілах абароны поўдня Украіны ўдакладнілі, што сем беспілотнікаў былі знішчаныя: чатыры ў Адэскай, два ў Мікалаеўскай і адзін у Кіраваградскай абласцях, піша «Настоящее время».
У Адэскай вобласці, па словах кіраўніка рэгіёну Алега Кіпера, пашкоджанні атрымаў лагістыка-транспартны аб'ект. Абломкі збітага «Шахеда» таксама пашкодзілі АЗС у Адэскім раёне. Пацярпелых сярод мірных грамадзян, як удакладніў чыноўнік, няма.
У Мікалаеўскай вобласці абломкі збітага беспілотніка пашкодзілі высакавольтныя лініі электраперадач, без святла засталіся 14 населеных пунктаў, паведаміў кіраўнік абласной ваеннай адміністрацыі (ОВА) Віталь Кім.
У Жытомірскай вобласці расійскія дроны-камікадзэ атакавалі аб'ект крытычнай інфраструктуры, сілы СПА збілі частку беспілотнікаў, паводле папярэдняй інфармацыі, ахвяр і пацярпелых няма, даў справаздачу кіраўнік рэгіёну Віталь Бунечка.
Усяго ў ноч на панядзелак сілы ўкраінскай СПА збілі 17 «Шахедаў». Таксама расійская армія атакавала Днепрапятроўскую вобласць кіраванай авіяракетай Х-59, яе збілі.
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары