Жыхар Брэста паўтара года прадаваў месцы ў чарзе на мяжы. Пакуль месца не купілі падатковыя інспектары
Жыхара Брэсцкага раёна прыцягнулі да адміністрацыйнай адказнасці за незаконнае аказанне паслуг па паскораным праходжанні дзяржаўнай мяжы, піша БЕЛТА.
Мужчына сістэматычна атрымліваў прыбытак за аказанне паслуг па дапамозе ўезду па-за чаргой у пункт пропуску «Брэст».
7 сакавіка праводзілася аператыўная праверка з кантрольнай «закупкай». Мужчына прапанаваў супрацоўніку падатковай інспекцыі па Брэсцкай вобласці, які выступаў патэнцыйным заказчыкам, дапамогу ў перасячэнні беларускай мяжы за $170.
«Матэрыяламі справы пацверджана, што мужчына са жніўня 2022 года па сакавік 2024 года пастаянна знаходзіўся на тэрыторыі, прылеглай да кантрольна-прапускнога пункта «Варшаўскі мост». На гэта ўказвалі больш як 20 тысяч яго тэлефонных злучэнняў з гэтай мясцовасці», — звярнулі ўвагу ў судзе.
Суд прызнаў жыхара Брэсцкага раёна вінаватым па ч.2 арт.13.3 (ажыццяўленне прадпрымальніцкай дзейнасці без дзяржаўнай рэгістрацыі) КаАП. Яму прызначылі штраф у памеры 30 базавых велічынь — Br1,2 тыс.
Судовая пастанова не ўступіла ў законную сілу і можа быць абскарджана.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары