«Тыдзень сядзелі ў засадзе». Буданаў расказаў, як сёння ноччу збілі расійскі Ту-22
«Доўга чакалі, рыхтаваліся, урэшце змаглі», — так кіраўнік Галоўнага ўпраўлення разведкі Мінабароны Украіны адказаў на пытанне Бі-бі-сі — Украіна пра тое, як удалося збіць расійскі стратэгічны бамбардзіроўшчык Ту-22МЗ, які гэтай ноччу ўдзельнічаў у чарговым удары па Украіне.
«Тыдзень была, скажам так, сама «засада». Чакалі, калі ён выйдзе на патрэбны рубеж», — растлумачыў кіраўнік ГУР.
Ён заявіў, што не хацеў бы раскрываць дэталі аперацыі. Але ўдакладніў, што самалёт збілі на адлегласці 308 км. І для яго знішчэння выкарыстоўвалі «тыя ж прыёмы і тыя ж сродкі, якія выкарыстоўвалі, калі знішчылі ў паветры самалёт А-50».
Па даных ГУР, у расіянаў яшчэ ёсць самалёты такога віду. Але, падкрэсліў Буданаў, «гэта першае збіццё самалёта далёкай авіяцыі ў гэтай вайне», ад якога Адэсе будзе трошкі лягчэй цяпер».
Буданаў растлумачыў, што самалёты Ту-22М3 выкарыстоўвалі ракеты Х-22, «якія, мабыць, больш за ўсё прынеслі менавіта разбурэнняў па горадзе». З ягоных слоў, гэтыя магутныя і хуткія ракеты «ніхто не мог перахапіць».
Але, паколькі гэта яшчэ савецкая распрацоўка, дакладнасць гэтай ракеты «не такая ўжо вялікая».
А таму «большую колькасць цывільных будынкаў знішчылі менавіта гэтыя ракеты».
Цяпер расіянам давядзецца шукаць новыя пускавыя рубяжы для запуску ракет, і яны будуць вымушаныя ўжываць «толькі наземныя комплексы для ўдараў па Адэсе і ракеты з далёкай авіяцыі і з мора».
«Х-22, я спадзяюся, больш не ўбачаць», — выказаў меркаванне кіраўнік ГУР.
Раней украінскія вайскоўцы заявілі, што 19 красавіка ім упершыню ўдалося збіць расейскі стратэгічны бамбардзіроўшчык Ту-22М3. Гэта носьбіт крылатых ракет Х-22, якімі ён мог атакаваць украінскія гарады і ў гэтую пятніцу, падчас чарговага масіраванага ўдару.
Гэта была сумесная аперацыя ваеннай разведкі і паветраных сіл, паведамілі ў ГУР.
«Усё бывае ўпершыню. Мы ўпершыню збілі ў свой час «Кінжал», упершыню збілі «Цыркон». Цяпер вось упершыню збілі Ту-22. Ну, чакаем цяпер Ту-95», — сказаў спікер паветраных сіл Ілля Еўлаш.
У той жа час у расійскім Мінабароны заявілі, што ракетаносец Ту-22М3 «разбіўся пасля баявога задання». А прычынай падзення магла быць «тэхнічная няспраўнасць».
Па паведамленнях расійскіх СМІ, самалёт упаў у Стаўрапольскім краі ў бязлюднай мясцовасці.
«Пілоты катапультаваліся, тры члены экіпажа ўжо знойдзеныя, працягваюцца пошукі яшчэ аднаго пілота», — паведамілі ў расійскім Мінабароны.
А расійскае дзяржаўнае агенцтва «РІА Навіны» са спасылкай на мясцовага губернатара, піша, што прынамсі адзін пілот загінуў.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка8
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары