Справу разглядаў Эканамічны суд Мінска.
Гандлёвую кампанію «Юніфуд», якая валодае буйной сеткай «Алмі» і валодала крамамі Spar, аштрафавалі за павышэнне цэнаў.
Справу разглядаў Эканамічны суд Мінска. Суддзі прыйшлі да высновы, што ў перыяд з 30 чэрвеня 2021 года па 30 ліпеня 2021 года «Юніфуд» парушыў закон аб цэнаўтварэнні і ўказ аб фарміраванні цэн на тавары медыцынскага прызначэння, усталяваўшы занадта высокую надбаўку на медыцынскія маскі. Законам дазваляецца надбаўка не вышэй за 30%, «Юніфуд» прадаваў маскі даражэй.
Суд вырашыў, што кампанія атрымала незаконны прыбытак у памеры 6 819,36 рубля. У выніку «Юніфуд» аштрафавалі на 13 638,72 рубля. Службовую асобу, якая адказвала за вызначэнне надбаўкі, аштрафавалі на 80 рублёў.
Кампанія не абскардзіла прысуд, ён уступіў у законную сілу.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары