Спорт66

50:0! І гэта лік не рэгбійнага, а футбольнага матча ў беларускім чэмпіянаце

У чэмпіянаце Беларусі па футболе ў другой лізе адна каманда забіла іншай 50 мячоў, сама не прапусціўшы ніводнага, паведамляе сайт Bel.Football. У матчы сустракаліся дзве каманды з Віцебскай вобласці: «Мёры» на сваім полі прымалі «Расоны».

Фота: bel.football

Такі фенаменальны вынік зафіксаваны на фоне дзіўнага суперніцтва паміж кіраўніцтвам Міністэрства спорту і турызму (міністрам цяпер з'яўляецца Сяргей Кавальчук) і Беларускай федэрацыі футбола (АБФФ) на чале з былым старшынёй Віцебскага аблвыканкама Мікалаем Шарснёвым, якое не адбываецца недзе кулуарна пад схаваным ад чужых вачэй дываном, а выйшла на ўсеагульны агляд. 

Міністэрства і федэрацыя сярод іншага не могуць разабрацца, хто з іх мае арганізоўваць спаборніцтвы ў другой футбольнай лізе і які мае быць фармат гэтага турніру. Не прыйшоўшы да згоды, кожная са структур спрабуе арганізаваць спаборніцтвы пад сваёй эгідай, а канкурэнту ставіць палкі ў колы. Так, міністэрства 29 красавіка выдала наступную заяву:

«Паведамляем, што згодна з рэспубліканскім каляндарным планам правядзення спартыўных мерапрыемстваў АБФФ не з'яўляецца арганізатарам чэмпіянату Рэспублікі Беларусь па футболе 2024 года сярод мужчынскіх каманд другой лігі, паколькі яго арганізатарам выступаюць Міністэрства спорту і турызму і ўпаўнаважаныя ім арганізацыі. Правядзенне АБФФ аналагічнага мерапрыемства з'яўляецца недапушчальным і выходзіць за рамкі яе паўнамоцтваў».

Тым не менш, у канцы мінулага тыдня спаборніцтвы ў другой лізе пад эгідай АБФФ усё ж фармальна стартавалі. Але пад ціскам міністэрства каманды ў іх адмаўляюцца гуляць, таму на гэты момант з дзесяці запланаваных матчаў адбыўся толькі адзін. А «прыгожы» вынік 50:0 зафіксаваны ў альтэрнатыўным турніры, які спрабуе зладзіць міністэрства. 

3 мая АБФФ распаўсюдзіла прэс-рэліз, згодна з якім усе гульні другога тура пераносяцца на больш позні тэрмін. А ў найбліжэйшы панядзелак мае адбыцца пазачарговае пасяджэнне выканкама АБФФ па пытанні фармату другой лігі. У нарадзе возьмуць удзел і прадстаўнікі Мінспорту. Магчыма, пасля таго бакі дойдуць да нейкай згоды.

Хоць пытанне правядзення чэмпіянату ў другой лізе — не адзінае, якое выклікае рознагалоссі. Таксама бакі абвінавачваюць адзін аднаго ў фінансавых праблемах клубаў. 

Каментары6

  • хто пусціў жахчыну ў фухбольную тэму?
    04.05.2024
    не веру!
  • Калматы Вожык
    04.05.2024
    50:0? Як гэта тэхнічна магчыма? Ну, дапусцім, забілі гол... Пасля гэтага трэба з сеткі дастаць мяч, даставіць у цэнтр поля... Паставіць на цэнтр...  Увесці мяч у гульню... Тры хвіліны... А тут кожныя 1,5 хвіліны, нават меньш -- забівалі гол! Нафіг патрэбны такі футбол! Ці расонцы да гэтага былі знясіленыя ўборкай камянёў на калгасным полі, а потым, ледзь клеваючы нагамі, іх адразу кінулі гуляць у мячык?
  • хто пусціў жахчыну ў фухбольную тэму?
    04.05.2024
    там ніхто не спяваў - які боль! які боль! Мёры-Расоны - 50:0 ?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Доктарку Алену Мікалаеву падчас вайны адправілі на Валадарку за дапамогу габрэям — у XXI стагоддзі там жа апынецца яе праўнучка Марына Золатава2

Доктарку Алену Мікалаеву падчас вайны адправілі на Валадарку за дапамогу габрэям — у XXI стагоддзі там жа апынецца яе праўнучка Марына Золатава

Усе навіны →
Усе навіны

Новым Папам абвясцілі амерыкана-перуанскага кардынала Роберта Прэво13

Гомельскі сенатар хацеў пагрэцца ў прамянях «Вялікай Перамогі», але яўна перагнуў з самапіярам ФОТАФАКТ21

У Ватыкане абралі новага Папу6

Буйныя дзяржпрадпрыемствы хочуць працаўладкаваць тысячы работнікаў

Мельнікава прыляцела на Шры-Ланку, але пасля паляцела далей — Цімур Алеўскі20

Беларусам прапануюць дзіўную падпрацоўку за 1000 рублёў у дзень3

У большасці абласных гарадоў 9 мая правядуць «Бессмяротны полк»7

У Расію перакінулі комплексы C-300 і C-400 з Беларусі

У мінскім «Цэнтральным» зноў прадаюць кіндары за бесцань1

больш чытаных навін
больш лайканых навін

Доктарку Алену Мікалаеву падчас вайны адправілі на Валадарку за дапамогу габрэям — у XXI стагоддзі там жа апынецца яе праўнучка Марына Золатава2

Доктарку Алену Мікалаеву падчас вайны адправілі на Валадарку за дапамогу габрэям — у XXI стагоддзі там жа апынецца яе праўнучка Марына Золатава

Галоўнае
Усе навіны →

Заўвага:

 

 

 

 

Закрыць Паведаміць