Меркаванні6161

Кныровіч: Мне не шкада людзей, якія стаяць у чарзе на мяжы

Як тлумачыць сваю пазіцыю блогер і прадпрымальнік?

Александр Кнырович Аляксандр Кныровіч Alexander Knyrovich
Аляксандр Кныровіч. Скрын відэа mne_toje_ne_nravitsya / YouTube

У новым выпуску ютуб-канала «Мне таксама не падабаецца» абмяркоўвалі абмежаванне памежнага руху з Беларусі ў Еўропу. Блогер і прадпрымальнік Аляксандр Кныровіч заявіў, што ён за тое, каб «беларусы мелі магчымасць ездзіць у «Акропаліс» (буйны гандлёвы цэнтр у Вільні. — НН), садзіцца на самалёт у Вільні». І дадаў:

«Я за гэта, але мне не шкада людзей, якія стаяць на мяжы. Зусім не шкада».

Блогер тлумачыць сваю пазіцыю: калі ты грамадзянін Беларусі, то цалкам нясеш адказнасць за краіну незалежна ад таго, падтрымліваеш ты гэтую ўладу ці не.

«Ты жывеш у такой краіне, у якой адбываецца вось гэта. Гэта частка тваёй зручнасці, твайго жыцця, асяроддзя.

Так, людзі не могуць на гэта паўплываць. Яны ў гэтым не вінаватыя. Але гэта частка ўмоваў, якія існуюць унутры краіны. І, прабачце, у кожнага беларуса, у тым ліку і ў мяне, як у таго, хто выехаў, усё роўна ёсць адказнасць цалкам за краіну».

Кныровіч адзначыў, што ў абавязак беларусаў таксама ўваходзіць выплата рэпарацый Украіне:

«Ці будзе Беларусь плаціць рэпарацыі Украіне? Па-першае, павінна плаціць. Па-другое, у кожнага чалавека, як унутры, так і па-за Беларуссю (як у мяне), ёсць адказнасць за гэта. Гэта адказнасць грамадзяніна за краіну.

Калі ты грамадзянін, ты ўспрымаеш свет вось так. Калі ты «пагуляць выйшаў», калі ты ўспрымаеш краіну як вагон (зайшоў у вагон і табе павінна там быць камфортна ехаць), то ты не грамадзянін».

Аляксандр Кныровіч мяркуе, што аднаўляць пасажырскі чыгуначны рух пакуль нельга.

«Ёсць кампанія (маецца на ўвазе Беларуская чыгунка. — НН), якая ўдзельнічае ў вайне — возіць танкі, возіць вайскоўцаў. І пытанне стаіць так: «Ці дазваляць гэтай кампаніі таксама вазіць турыстаў да Вільні? Мне зразумелы адказ — не».

Падчас дыскусіі. Скрын відэа: mne_toje_ne_nravitsya / YouTube

«Мы знаходзімся ў становішчы катастрофы. Ідзе вайна, кожны дзень гінуць людзі. І гэта шмат чаго вызначае… Пытанне ў тым, што могуць існуючыя пераходы зачыніць. І для мяне агульнае пытанне такое: вайна не назаўжды. Калі яна скончыцца, мы будзем размаўляць зусім па-іншаму, з іншай аргументацыяй, будзем гаварыць, што трэба беларусаў уцягваць у Еўрасаюз».

@nashanivanews Беларусы стаяць у катастрафічных чэргах на мяжы #брест #граница #очередь #беларусь #беларускаямова #беларусьновости #белорусывпольше #белорусы ♬ DESTRUCTION - SCXR SOUL & NONTHENSE

Каментары61

  • CV
    06.05.2024
    Сам ездзіць па Еўропе колькі хоча, а беларусы ў Беларусі мусяць плаціць за рэпрэсіі супраць іх саміх жа і вайну, якую яны не падтрымліваюць, візавым банам. Афігенная пазіцыя ў чалавека. 
  • Это реклама?
    06.05.2024
    Сначала статья про какие-то синие майки с прямоуголниками, теперь Кнырович что-то там сказал на каком-то канале. Это новости? Что там думает какой-то Кнырович мы можем посмотреть на том ютубканале. Зачем про это еще писать в НН?
  • не такі як ёсць
    06.05.2024
    Шаноўны спадар Кныровіч, калі вы адчуваеце сваю адказнасць за вусатага, можаце проста цяпер усе свае сродкі накіраваць на патрэбы УСУ.

Цяпер чытаюць

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу3

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу

Усе навіны →
Усе навіны

У Беларусі з'явіцца яшчэ адзін агрэгатар таксі

Міністр абароны Ізраіля: Фізічная ліквідацыя аяталы Хаменеі — гэта адна з мэтаў вайны з Іранам3

Інфекцыяніст расказаў, ці трэба здаваць кляшча на аналіз і колькі разоў піць доксіцыклін

Як за мяжой аформіць «пашпарт РР» і колькі гэта каштуе?8

Шарэнда-Панасюк асудзіла візіт Келага да Лукашэнкі: Знайшоўся купец, гатовы гандлявацца93

«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас30

Затрымалі 56 супрацоўнікаў кол-цэнтраў, якія падманам прадавалі БАДы3

Вальфовіч: «Арэшнік» размесцяць у Беларусі да канца года11

Дзяржвыданне размазала прадпрымальніка-лукашыста, які праз тыкток скардзіўся Лукашэнку на мясцовыя ўлады6

больш чытаных навін
больш лайканых навін

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу3

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу

Галоўнае
Усе навіны →

Заўвага:

 

 

 

 

Закрыць Паведаміць