Knyrovič: Mnie nie škada ludziej, jakija stajać u čarzie na miažy
Jak tłumačyć svaju pazicyju błohier i pradprymalnik?
U novym vypusku jutub-kanała «Mnie taksama nie padabajecca» abmiarkoŭvali abmiežavańnie pamiežnaha ruchu ź Biełarusi ŭ Jeŭropu. Błohier i pradprymalnik Alaksandr Knyrovič zajaviŭ, što jon za toje, kab «biełarusy mieli mahčymaść jeździć u «Akropalis» (bujny handlovy centr u Vilni. — NN), sadzicca na samalot u Vilni». I dadaŭ:
«Ja za heta, ale mnie nie škada ludziej, jakija stajać na miažy. Zusim nie škada».
Błohier tłumačyć svaju pazicyju: kali ty hramadzianin Biełarusi, to całkam niasieš adkaznaść za krainu niezaležna ad taho, padtrymlivaješ ty hetuju ŭładu ci nie.
«Ty žyvieš u takoj krainie, u jakoj adbyvajecca voś heta. Heta častka tvajoj zručnaści, tvajho žyćcia, asiarodździa.
Tak, ludzi nie mohuć na heta paŭpłyvać. Jany ŭ hetym nie vinavatyja. Ale heta častka ŭmovaŭ, jakija isnujuć unutry krainy. I, prabačcie, u kožnaha biełarusa, u tym liku i ŭ mianie, jak u taho, chto vyjechaŭ, usio roŭna jość adkaznaść całkam za krainu».
Knyrovič adznačyŭ, što ŭ abaviazak biełarusaŭ taksama ŭvachodzić vypłata reparacyj Ukrainie:
«Ci budzie Biełaruś płacić reparacyi Ukrainie? Pa-pieršaje, pavinna płacić. Pa-druhoje, u kožnaha čałavieka, jak unutry, tak i pa-za Biełaruśsiu (jak u mianie), jość adkaznaść za heta. Heta adkaznaść hramadzianina za krainu.
Kali ty hramadzianin, ty ŭsprymaješ śviet voś tak. Kali ty «pahulać vyjšaŭ», kali ty ŭsprymaješ krainu jak vahon (zajšoŭ u vahon i tabie pavinna tam być kamfortna jechać), to ty nie hramadzianin».
Alaksandr Knyrovič miarkuje, što adnaŭlać pasažyrski čyhunačny ruch pakul nielha.
«Jość kampanija (majecca na ŭvazie Biełaruskaja čyhunka. — NN), jakaja ŭdzielničaje ŭ vajnie — vozić tanki, vozić vajskoŭcaŭ. I pytańnie staić tak: «Ci dazvalać hetaj kampanii taksama vazić turystaŭ da Vilni? Mnie zrazumieły adkaz — nie».
«My znachodzimsia ŭ stanoviščy katastrofy. Idzie vajna, kožny dzień hinuć ludzi. I heta šmat čaho vyznačaje… Pytańnie ŭ tym, što mohuć isnujučyja pierachody začynić. I dla mianie ahulnaje pytańnie takoje: vajna nie nazaŭždy. Kali jana skončycca, my budziem razmaŭlać zusim pa-inšamu, ź inšaj arhumientacyjaj, budziem havaryć, što treba biełarusaŭ uciahvać u Jeŭrasajuz».
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary