Кіно

Жанчына, якая стала прататыпам сталкершы з «Аленяняці», прыстрашыла судом галоўнаму герою

Яна прызнала, што была знаёмая з Рычардам Гэдам, але адмаўляе, што напісала яму тысячы лістоў.

Кадр з серыяла

Жанчына па імені Фіёна Харві, якая стала прататыпам сталкершы ў серыяле «Аленяня» Рычарда Гэда, заснаваным на гісторыі з яго асабістай біяграфіі, дала вялікае інтэрв'ю брытанскаму тэлевядоўцу Пірсу Моргану. У ім яна адкінула абвінавачванні ў пераследзе Гэда і паабяцала падаць у суд на яго і на кампанію Netflix, піша «Медуза».

Жанчына дала інтэрв'ю пасля таго, як прыхільнікі «Аленяняці» паспрабавалі вылічыць сталкершу, якая пераследвала Гэда ў рэальнасці, і прыйшлі да высновы, што гэта Харві. Сам Гэд раней запэўніваў, што змяніў у серыяле дэталі біяграфіі сваёй пераследніцы, каб яе не пазналі.

У інтэрв'ю Харві заявіла, што не глядзела серыял, але выказала ўпэўненасць, што гераіня «Аленяняці» — гэта яна. Жанчына распавяла, што яшчэ некалькі гадоў таму бачыла фрагменты аднайменнага спектакля Гэда і ўжо тады зразумела, што гаворка пра яе.

Свой вобраз у серыяле Харві назвала «паклёпам» і абвінаваціла Рычарда Гэда і Netflix у хлусні. «Яны заявілі гэта як рэальную гісторыю, але гэта няпраўда», — сказала Харві і дадала, што збіраецца падаць у суд на коміка і стрымінгавы сэрвіс.

Харві заявіла, што не пераследвала Гэда, не пісала яму «дзясяткі тысяч імэйлаў і сотню лістоў», а на пытанне вядучага пра тое, хто ж тады адправіў усе гэтыя паведамленні, яна адказала: «Можа, ён сам іх выдумаў. Без паняцця». «Я думаю, у яго расстройства псіхікі», — сказала яна пра рэжысёра.

Вядоўца Пірс Морган некалькі разоў падчас гутаркі вяртаўся да лістоў, і Харві ўрэшце прызнала, што «магла напісаць некалькі імэйлаў і адзін ліст ад рукі», — але падкрэсліла, што да астатніх не мае дачынення. Яна таксама распавяла, што для зносін з рознымі людзьмі выкарыстоўвае чатыры тэлефоны.

Пры гэтым Харві пацвердзіла, што сапраўды пазнаёмілася з комікам у лонданскім пабе the Hawley Arms і што жартам назвала яго «аленянём», пасля таго як ён пастрыгся налыса

Рычард Гэд і Netflix пакуль не каментавалі заявы Фіёны Харві.

***

Серыял «Аленяня» выйшаў на Netflix у пачатку красавіка і складаецца з сямі эпізодаў. Гэта фільм пра коміка-няўдачніка і жанчыну, якая яго пераследуе. Серыял аказаўся ў топе Netflix і атрымаў 97% ухвалення крытыкаў на агрэгатары рэцэнзій Rotten Tomatoes. У аснове ляжыць рэальная гісторыя Рычарда Гэда.

Каментары

Цяпер чытаюць

Трамп згадаў 1300 беларускіх палітвязняў. Адкуль такая лічба і колькі іх насамрэч?2

Трамп згадаў 1300 беларускіх палітвязняў. Адкуль такая лічба і колькі іх насамрэч?

Усе навіны →
Усе навіны

На якім месцы Беларусь па хуткасці мабільнага інтэрнету ў свеце6

У Гродне заўважылі аб'ект, які падаў з неба. Што гэта?5

Жывёла, якую сілавікі застрэлілі ў Сеніцы, аказалася сабакам без шаленства. Кубракоў загадваў узнагародзіць міліцыянераў за смеласць7

Зумеры адмаўляюцца ад Spotify і пераходзяць на старыя MP3-плэеры12

Алесь Аляхновіч пакідае каманду Ціханоўскай18

«Дзякуй за карту. Як бы мне яе забраць?» Стэнаграма сустрэчы ў Белым доме лідараў Еўропы і ЗША8

Затрымалі кіраўнікоў івэнт-кампаній. Адзін з іх дапамагаў ладзіць канцэрты ў падтрымку Лукашэнкі24

Заможны жыхар Віцебска краў элітны алкаголь з крамаў дзеля адрэналіну5

Стала вядома, у якіх краінах можа адбыцца сустрэча Пуціна і Зяленскага8

больш чытаных навін
больш лайканых навін

Трамп згадаў 1300 беларускіх палітвязняў. Адкуль такая лічба і колькі іх насамрэч?2

Трамп згадаў 1300 беларускіх палітвязняў. Адкуль такая лічба і колькі іх насамрэч?

Галоўнае
Усе навіны →

Заўвага:

 

 

 

 

Закрыць Паведаміць