У Дзень палітвязня вольныя купалаўцы зладзяць дабрачынны паказ праекту «Слова з-за кратаў»
У Дзень палітвязня, 21 траўня, тэатральная група «Вольныя купалаўцы» зладзіць у Варшаве дабрачынны паказ праекту «Слова з-за кратаў». Усе сродкі ад продажу квіткоў будуць перададзеныя ініцыятыве «Палітвязынка» для дапамогі дзецям і сем’ям палітвязняў, піша Белсат.
«Слова з-за кратаў» складаецца з вершаў, прозы і фрагментаў лістоў, напісаных беларускімі палітвязнямі. Мастацкае аздабленне спектаклю зрабіла Аляксандра Канафальская, рэжысёр — Аляксандр Гарцуеў.
Дабрачынны паказ прымеркаваны да Дня палітвязня, што адзначаецца 21 траўня. У гэты дзень у 2021 годзе ў шклоўскай калоніі загінуў Вітольд Ашурак. З няволі ён пісаў шчымлівыя лісты да сваёй маці, некаторыя з іх увайшлі ў праект «Слова з-за кратаў».
«Набыўшы квіток, вы аўтаматычна ўдзельнічаеце ў важнай справе. «Вольныя купалаўцы» перададуць усе грошы ад продажу квіткоў ініцыятыве «Палітвязынка» на дапамогу дзецям і сваякам палітвязняў.
Самае мінімальнае, што мы можам рабіць для тых, хто цяпер у няволі, для тых, каго пазбаўляюць бацькоўскіх правоў, для тых, хто амаль не мае сувязі са знешнім светам, — гэта гартаваць сваю волю і дзяліцца інфармацыяй пра беларускіх палітвязняў па ўсім свеце, пісаць ім лісты і падтрымліваць іх родных і дзяцей. Ім неабходная нашая ўвага», — адзначае творчы калектыў праекту.
Дабрачынны паказ адбудзецца 21 мая а 19:00 у Музеі вольнай Беларусі, Варшава, Foksal 11.
Квіткі можна набыць па спасылцы.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары