Хто цяпер зможа насіць з сабой зброю на службе? МУС удакладніла спіс
Пералік грамадзян, якія будуць мець пры сабе зброю падчас выканання сваіх службовых абавязкаў, апублікаваны на Нацыянальным прававым інтэрнет-партале.
Пісталеты і стрэльбы, у тым ліку з наразным ствалом, атрымаюць супрацоўнікі лясной галіны. Сюды ўвайшлі ляснічыя, егеры, дырэктары прыродаахоўных устаноў і лесапаляўнічых гаспадарак, іх намеснікі і іншыя.
Гладкаствольную зброю дадуць памочнікам ляснічых, кантралёрам КПП і шэрагу супрацоўнікаў Палескага запаведніка.
Пісталеты будуць насіць міністр лясной гаспадаркі і яго намеснікі, кіраўнікі структурных падраздзяленняў і іх намеснікі, а таксама кансультанты, галоўныя спецыялісты ведамства і супрацоўнікі, якія кіруюць пытаннямі аховы лясоў.
Яшчэ забяспечаць баявой зброяй супрацоўнікаў службы інкасацыі. Пісталет або рэвальвер будуць абавязаныя мець пры сабе: начальнік, яго намеснік, спецыялісты ўсіх катэгорый, старшы інкасатар, кіроўца, інкасатар або кіроўца, якія ажыццяўляюць ахову касіра абменнага пункта.
Акрамя гэтага, на адну брыгаду інкасатараў будзе выдадзены адзін аўтамат.
Цяпер чытаюць
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада2
Каментары