Жыхары горада знайшлі рызыкоўны спосаб зарабіць.
Жыхары Екацярынбурга ліжуць шкарлупіну сырых яек, каб атрымаць атручэнне. Яны спадзяваліся зарабіць такім чынам мільён расійскіх рублёў (крыху больш за 11 тысяч долараў).
Уся справа ў мясцовым супермаркеце «Жизньмарт». У апошні час пачасціліся выпадкі атручвання прадуктамі з гэтай крамы — за месяц у Расспажыўнагляд звярнуліся 18 чалавек. Уладальнік сеткі Іван Зайчанка прызнаў праблему, папрасіў прабачэння ў пакупнікоў, заявіў, што кантракты з пастаўшчыкамі, якія яго падвялі, скасаваны, піша Baza.
Акрамя таго, Зайчанка паабяцаў выплаціць па мільёне расійскіх рублёў усім атручаным. Гэта аб'ява адкрыла скрыню Пандоры.
Жыхары Екацярынбурга прыняліся скупляць прадукты ў супермаркеце, а таксама лізаць сырыя яйкі ў надзеі на атручэнне сальманелай. Усё дзеля таго, каб атрымаць гэты запаветны мільён. Акрамя таго, пакупнікі сталі скардзіцца на ўжо правераныя прадукты.
У выніку Зайчанка назваў ідэю з мільёнам «цалкам ідыёцкай».
«Відаць, з мільёнам была зусім ідыёцкая ідэя, гэта мая памылка. У выпадку прызнання нашай віны я хацеў зрабіць дабро і неяк кампенсаваць людзям створаныя праблемы. Але добрымі намерамі выбрукаваная дарога ў пекла. Таму, калі ласка, не аблізвайце яйкі, гэта небяспечна», — заклікаў пакупнікоў бізнэсмен.
Ён зноў папрасіў прабачэння і заявіў, што выплаціць грошы толькі 18 пацярпелым, якія звярнуліся ў Расспажыўнагляд да аб'яўлення «акцыі». Тым часам колькасць скаргаў дасягнула 90.
Адзначым, што сальманелёз, якім можна заразіцца, калі лізаць шкарлупіну яек, можа прывесці да сур'ёзных праблем са здароўем і нават смерці.
29 кілаграм у тры гады: мінчанка гадуе дачку з цяжкай хваробай, а хейтары прапануюць перастаць даваць ежу вёдрамі
«Хачу Porsche, але бацькі падарылі Geely». На якіх машынах беларускія студэнты прыязджаюць у ВНУ?
Дызайнер Бычкоўскі пахудзеў са 165 да 85 кг. Гэта ўжо яго трэцяя вайна з вагой — што дапамагае не сарвацца цяпер?
Цяпер чытаюць
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары