Грамадства11

Рэжысёра Андрэя Гнёта выпусцілі з сербскай турмы

Ён пераведзены пад хатні арышт.

Беларускі рэжысёр і журналіст Андрэй Гнёт, які быў затрыманы ў Сербіі ў кастрычніку 2023 года на запыт беларускіх уладаў праз Інтэрпол, вызвалены з сербскай турмы.

Беларус пераведзены з цэнтральнай турмы Бялграда пад хатні арышт.

«Гэта першы важны крок у вырашэнні лёсу Андрэя, які больш за 7 месяцаў правёў у поўнай ізаляцыі, без доступу да належнай медыцынскай дапамогі пры рэзка пагоршаным стане здароўя. Аднак цяпер важны другі самы галоўны крок — не дапусціць яго экстрадыцыі ў Беларусь, дзе Андрэя пераследуюць па палітычных матывах», — піша Павел Латушка.

Андрэй Гнёт — беларускі журналіст, рэжысёр, сузаснавальнік «Свабоднага аб'яднання спартсменаў SOS BY», прызнанага ў Беларусі «экстрэмісцкім фармаваннем». Гнёта затрымалі ў кастрычніку 2023 года ў Сербіі па запыце беларускіх уладаў, якія абвясцілі яго ў вышук праз Інтэрпал у сувязі са справай аб падатках. Абарона настойвае, што пераслед палітычна матываваны, а на радзіме яго могуць чакаць катаванні.

У снежні 2023 года суд першай інстанцыі ўхваліў дэпартацыю Гнёта ў Беларусь, але ў сакавіку 2024 года Вышэйшы суд (апеляцыйны) адмяніў рашэнне і адправіў справу на перагляд.

Каментары1

  • Acab
    06.06.2024
    Арышт бязьвінны. Зрэшты мэта стварэньня інтэрполу - бесперашкодная выдача дзяржкіраўніцтвамі адно аднаму перасьледаваных.

    Але цікава і пра аб'яднаньне спартоўцаў сказаць. Спартоўцы - канкурэнты паміж сабой, і мэта стварэньня гільдыі заўсёды адна- манапалізацыя і зьніжэньне якасьці і колькасьці тавару/паслугі з пазбаўленьнем спажыўца альтэрнатывы.
    Ілюстрацыйны прыклад - які небуць саюз пісьменьнікаў ці мастакоў, бяз ўдзелу ў якім пісьменьніку/мастаку максымальна, аж да крымінальнага перасьледу ўскладнены ўваход да пісьменьніцтва/мастацтва. І ў той жа час афіцыйныя пісьменьнікі і мастакі зь гільдыяў (саюзаў мастакоў/ пісьменьнікаў), фактычна прызначаныя пісьменьнікамі -мастакамі (ня заўсёды з зусім няздараў, але часам - так) аблашчаныя дзяржавай, маюць дазавы гарантаваны даход і так далей.

    Тое ж і зь дзяржспартоўцамі, то бок, ўсіма спартоўцамі з бюджэтных відаў (амаль цалкам супадзеньне з алімпійскімі). Іх таксама прызначаюць, як і бюджэтныя дысцыпліны спортам, прызначаюь ня з зусім няздараў, але часам, вазьміце спадара Талая і наагул паралімпіяду (не пішу, што яна насамрэч, ня пусьцяць) - трэба супярэчыць спартовым здатнасьцям як мага найболей, а кампэнсаваць ляялізмам.
    Такі ж базавы гарантаваны даход, такая ж незалежнасьць ад гледача, як ў чаргінцоў ад чытача і так далей.

    Вы зьдзівіцеся, што арыштаваны быў з апазыцыйнага аб'яднаньня спартоўцаў. Якое гнанае дзяржавай і ніяк не нагадвае саюз пісьменьнікаў бсср ці чаго там яшчэ.

    А на справе яны стварылі, сапраўды, канкуруючую дзяржаўнай беларускай гільдыю:
    1 з мэтай замяніць яе, стаць ў беларусі дзяржаўнай
    2 і цяпер фінансуюцца з бюджэту, проста замежнага (але ім мала, замежныя дзяржавы маюць сваіх спартоўцаў-бюджэтнікаў імоцна ня раскідаюцца рэсурсам ў бок новастворанай гільдыі )
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне26

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне

Усе навіны →
Усе навіны

Паліна Шарэнда-Панасюк намалявала па памяці план калоніі ў Зарэччы1

У Мёрскім раёне жанчына загінула ад удару токам, калі надзімала басейн

Летась у Вільні ў беларусаў нарадзілася каля 100 дзяцей32

Антон чатыры гады хаваўся ад лукашыстаў у родных Баранавічах — затрымалі, калі вырашыў здаць на правы10

Лукашэнка перажывае, што на рынку Расіі «ўсе топчуцца», і хоча гандляваць з ЕС. Вось як цяпер выглядае сітуацыя ў замежным гандлі12

У Новай Зеландыі жанчына везла двухгадовае дзіця ў валізцы — паліцыя разбіраецца

Гэты дызайнер з Уганды перавярнуў свет моды — сэкандам2

Штучны інтэлект дапіша гісторыю Старажытнага Рыма там, дзе гісторыкі няздатныя супаставіць факты

У Барысаве паспрабавалі адрадзіць дыскатэкі для моладзі. Але не па кані корм11

больш чытаных навін
больш лайканых навін

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне26

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне

Галоўнае
Усе навіны →

Заўвага:

 

 

 

 

Закрыць Паведаміць