Маршруткі і аўтобусы з Мінска ў Барысаў і Жодзіна будуць хадзіць па-новаму
Змены ўводзяцца з 10 ліпеня.
Маршруткі і аўтобусы з Мінска ў Барысаў і Жодзіна з 10 ліпеня будуць хадзіць са станцыі метро «Уручча».
Новаўвядзенне тычыцца міжгародняга аўтобуснага маршруту № 500Э «Мінск — Барысаў» і прыгарадных № 471С / 472С / 2473СК / 2473аСК «Мінск — Жодзіна». Пры гэтым аўтобус №500э перастане курсіраваць на ўчастку маршруту ад ДС «Славінскага» да станцыі метро «Уручча», расказалі ў «Мінскаблаўтатрансе».
Змены ўводзяць для зніжэння нагрузкі на прыпынак побач з метро «Усход» і пераразмеркавання маршрутаў барысаўскага і жодзінскага кірункаў.
Каментары