У Маскве на 87-м годзе жыцця памёр вядомы расійскі літаратуразнаўца, галоўны рэдактар часопіса «Пытанні літаратуры», Лазар Лазараў. Лазараў, аўтар крытычных артыкулаў і манаграфіяў, з'яўляўся таксама адным з самых вядомых знаўцаў і папулярызатараў творчасці Васіля Быкава. У прыватнасці, у 1979 Лазараў годзе напісаў кнігу «Васіль Быкаў. Нарыс творчасці».
«З Быкавым у Лазарава была ў пэўным сэнсе славутае франтавое сяброўства, дарма што яны не ваявалі разам, — кажа літаратуразнаўца і аўтара шмат якіх прамоваў да кніг Васіля Быкава Міхась Тычына. — Абодва валодалі агульнымі чалавечымі якасцямі, гучна выказваліся ад імя «забітага пакалення». У час шальмавання Быкава, Лазараў палічыў за належнае стаць на бок беларускага пісьменніка, і ў сваёй кнізе не ўзбаяўся прыгадаць аповесць «Мёртвым не баліць», пра якую выказаўся сумленна, адно паводле свайго ўласнага разумення літаратуры».
З Васілём Уладзіміравічам Лазараў пазнаёміўся ў 1963 годзе пасля таго, як у часопісе «Новый мир» была надрукаваная яго першая рэцэнзія аб быкаўскай прозе. Як казаў Лазараў падчас іх першага заёмства яго ўразіў не столькі сам Быкаў, колькі стаўленне да пісьменніка тагачасных беларускіх уладаў. Са словаў Лазарава «Яго (Быкава) усесаюзная вядомасць, што тады павялічвалася, выклікала ў іх (беларускіх уладаў) вялікую падазронасць». Яны ліставался да апошняга: абмяркоўвалі літаратуру, мацавалі адно аднаго сяброўскім словам. Лазараў атрымаў ліст ужо хворага пісьменніка, калі той пераязджаў з Прагі ў Мінск.
Сам Лазараў — удзельнік Вялікай Айчыннай вайны, быў узнагароджаны ордэнам Айчыннай вайны II ступені і баявымі медалямі. Узначальваў часопіс «Пытанні літаратуры з 1992 года. Успаміны Лазарава пра Быкава ўвайшлі ў двухтомную кнігу-энцыклапедыю Сяргея Шапрана «Васіль Быкаў. Гісторыя жыцця ў дакументах, публікацыях, успамінах, лістах» (2009).
Развітанне з Лазаравым адбудзецца 1 лютага ў ваенным шпіталі імя Бурдэнкі.
Чытаць яшчэ:
Ліставанне Лазара Лазарава з Васілём Быкавым.
Разведка ЗША: Беларусь стала перадавым вайсковым плацдармам Расіі24
Каментары