Аляксандр Лукашэнка, прызначаючы на пасаду кіраўніка міністэрства замежных спраў Максіма Рыжанкова, даручыў таму «страсянуць МЗС».
«Вы — чалавек жорсткі, патрабавальны. МЗС трэба прыводзіць у пачуцці. Кажу адкрыта: страсянуць МЗС трэба, каб яно пачало працаваць», — сказаў Лукашэнка.
Паводле яго слоў, гэту работу кіраўнік МЗС павінен праводзіць разам з прэмʼерам Раманам Галоўчанкам. Гэта неабходна для таго, каб знешнепалітычнае ведамства рабіла тое, што патрэбна рэспубліцы.
Лукашэнка дадаў, што МЗС і яго кіраўніка ніхто не павінен падмяць, але, улічваючы асабістыя якасці новага міністра, ні ў каго гэта і не атрымаецца.
«Гэта таксама вельмі важна. Астатняе абмяркуем. Трэба актывізавацца і прымусіць міністэрства працаваць», — паўтарыў ён.
Сёння стала вядома, што Лукашэнка звольніў міністра замежных спраў Сяргея Алейніка — яго адправілі ў Савет Рэспублікі. Новым міністрам замежных спраў стаў Максім Рыжанкоў, які да гэтага быў першым намеснікам кіраўніка Адміністрацыі.
Днямі МЗС скаланула яшчэ адна гучная навіна — стала вядома пра самагубства пасла ў Нямеччыне Дзяніса Сідарэнкі.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый19
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары