Грамадства22

Стратнае прадпрыемства падарыла бус гомельскаму АМАПу — «з улікам дзяржаўнай важнасці»

Да афіцыйнага Дня незалежнасці Тураўскі малочны камбінат перадаў пасажырскі аўтобус падраздзяленню УУС Гомельскага аблвыканкама, піша «Флагшток».

 Фота: «Гомельская праўда»

Транспартны сродак мае кандыцыянер, умяшчае 16 чалавек і будзе выкарыстаны для перавозкі асабовага складу, паведаміла газета аблвыканкама са спасылкай на дэпутата парламента Валянціна Байко — праўладнага бізнесмена, які ў 2016 годзе стаў уладальнікам кантрольнага пакета акцый Тураўскага малочнага камбіната. 

Паводле яго слоў, «рашэнне аб умацаванні матэрыяльна-тэхнічнай базы прынята з улікам дзяржаўнай важнасці і грамадскай значнасці задач, якія выконваюцца байцамі АМАПа па забеспячэнні аховы грамадскага парадку і маёмаснай бяспекі грамадзян Гомельскай вобласці, якія ўзнікаюць на тэрыторыі прыгранічных раёнаў рызык».

Валянцін Байко (справа). Фота: «Гомельскія ведамасці»

Як гомельскі АМАП будзе дапамагаць ахоўваць мяжу, дэпутат не патлумачыў. Але заявіў, што рашэнне аб набыцці аўтобуса для сілавікоў было прынята на нядаўнім сходзе акцыянераў прадпрыемства. Падораны бус — беларускай вытворчасці. Па масавых «хапунах» у 2020 годзе гамяльчане ведаюць, што раней амапаўцы часта перамяшчаліся на мікрааўтобусах Ford Transit.

Фота: «Гомельскія ведамасці»

У публікацыі таксама сцвярджаецца, што такі жэст — «паказальны прыклад, як паспяховае прадпрыемства клапоціцца аб праваахоўніках». 

Аднак вядома, што Тураўскі малочны камбінат знаходзіцца ў перадбанкрутным стане — паспяховым яго ніяк не назавеш. Як расказваў «Флагшток», адной з прычын фінансавага крызісу сталі праблемы з пастаўкамі прадукцыі ў Расію. Чыстая страта па выніках года 2023 года склала 40,4 млн BYN.

Каментары2

  • даведка
    04.07.2024
    Смотрю я на фото и вижу, что после 2020 года бойцы ОМОН по всей стране стали массово отращивать растительность на лице, чтобы походить на рабочих с завода.
  • Язэп
    04.07.2024
    Прыкарытны Байко баіцца, што яго пасадзяць за банкруцтва ТМК альбо распрануць, як Чыжа? Слушна баіцца. Таму і аўтобус карнікам падарыў, спадзяючыся на індульгенцыю. Але гэта не дапаможа. Яшчэ і пад санкцыі трапіць
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У выніку пажару на «Кераміне» аб'ём вытворчасці заўважна ўпадзе. А ўзгаранне магло быць ускосным наступствам санкцый11

У выніку пажару на «Кераміне» аб'ём вытворчасці заўважна ўпадзе. А ўзгаранне магло быць ускосным наступствам санкцый

Усе навіны →
Усе навіны

«Пашкоджана — гэта нічога не сказаць». У Магілёве ўраган нарабіў бяды на дзясятку могілак

Пры Брэсцкай крэпасці ўжо два тыдні гараць вогнішчы. Людзі скардзяцца на дым і смурод

Пазбаўленне руін касцёла ў маёнтку Ажэшкаў статусу гісторыка-культурнай каштоўнасці назвалі фэйкам1

«Экономическую газету» можа купіць Уладзімір Граўцоў

У Мінску прадаюць з аўкцыёну спарткомплекс з убудаванай царквой1

У выпадку нападу расійскія сілы ў Калінінградзе будуць нейтралізаваныя імгненна — камандуючы сіламі ЗША12

У тайландскім лесе знайшлі хлопчыка, якога выхавалі сабакі1

Coca-Cola пад ціскам Трампа мяняе рэцэпт папулярных напояў2

Старшынёй фэдэрацыі футболу абралі Яўгена Булойчыка1

больш чытаных навін
больш лайканых навін

У выніку пажару на «Кераміне» аб'ём вытворчасці заўважна ўпадзе. А ўзгаранне магло быць ускосным наступствам санкцый11

У выніку пажару на «Кераміне» аб'ём вытворчасці заўважна ўпадзе. А ўзгаранне магло быць ускосным наступствам санкцый

Галоўнае
Усе навіны →

Заўвага:

 

 

 

 

Закрыць Паведаміць