Абсалютная большасць палякаў падтрымлівае закрыццё чыгуначных зносін з Беларуссю
Апытанне правялі 5-7 ліпеня.
Абсалютная большасць палякаў падтрымлівае закрыццё чыгуначнага пункта пропуску на мяжы з Беларуссю. Даследаванне IBRiS паказаў, што за прыняцце такой меры выступаюць 71,8 працэнта ўдзельнікаў апытання.
13,2% рэспандэнтаў выступілі супраць, яшчэ 15,1% не вызначыліся, піша wydarzenia.interia.pl са спасылкай на Rzeczpospolita.
Закрыццё чыгуначнага пераходу з Беларуссю падтрымалі ў першую чаргу мужчыны (74 працэнты), людзі ва ўзросце 50 гадоў (95 працэнтаў), жыхары сярэдніх гарадоў (83 працэнты) і людзі з самым нізкім узроўнем адукацыі (77 працэнтаў).
Апытанне IBRiS стала рэакцыяй на заявы польскіх уладаў аб магчымасці поўнага закрыцця мяжы з Беларуссю ў якасці рэакцыі на крызіс з мігрантамі. Акрамя таго, мэта такога ціску на рэжым Лукашэнкі — вызваленне палітвязняў, у тым ліку Анджэя Пачобута.
Напярэдадні на сустрэчы са Святланай Ціханоўскай кіраўнік МЗС Польшчы Радаслаў Сікорскі ў чарговы раз адзначыў, што польскі ўрад сур'ёзна разглядае варыянт поўнага закрыцця мяжы з Беларуссю для грузаў.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1515
Каментары