Амерыканскага журналіста Эвана Гершковіча прысудзілі ў Расіі да 16 гадоў калоніі строгага рэжыму
Дзяржабвінавачанне запытвала для журналіста 18 гадоў пазбаўлення волі.
Свярдлоўскі абласны суд прысудзіў карэспандэнта The Wall Street Journal Эвана Гершковіча да 16 гадоў пазбаўлення волі ў калоніі строгага рэжыму па справе аб шпіянажы (артыкул 276 КК РФ), паведамляе Meduza.io.
Дзяржабвінавачанне запытвала для журналіста 18 гадоў пазбаўлення волі.
Па версіі следства, Гершковіч «па заданні ЦРУ ў сакавіку 2023 года збіраў у Свярдлоўскай вобласці сакрэтную інфармацыю аб дзейнасці абароннага прадпрыемства «Уралвагонзавод». У пракуратуры сцвярджалі, што журналіст «трымаўся пільных мер канспірацыі».
Гершковіч віну па справе не прызнаў.
Суд завяршыў судовае следства за два пасяджэнні, яны прайшлі ў закрытым рэжыме 26 чэрвеня і 18 ліпеня. Падчас другога пасяджэння суда дапыталі дэпутата заканадаўчага сходу Свярдлоўскай вобласці Вячаслава Вегнера.
Пасля затрымання Гершковіча ў сакавіку 2023 года Вегнер распавядаў, што сустракаўся з журналістам падчас яго візіту на Урал. Паводле яго слоў, карэспандэнта WSJ цікавіла стаўленне людзей да ПВК «Вагнер», праца «прамысловых прадпрыемстваў» і «пытанні, звязаныя з падтрымкай насельніцтва ў перыяд СВА (вайны ва Украіне)». Вегнер казаў, што Гершковіч хацеў «узяць інтэрв'ю ў розных людзей, як яны нас называюць, у патрыётаў».
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі11
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары