З'явілася ВІДЭА, як у латвійскіх маладзёнаў знайшлі на мяжы пакецік з наркотыкамі — 0,82 грама марыхуаны
Беларускае тэлебачанне расказала некаторыя падрабязнасці гісторыі і паказала відэазапіс, на якім відаць, як у машыне знайшлі пакецік.
Па інфармацыі БТ, чацвёра грамадзян Латвіі, сярод якіх тры дзяўчыны (Паліна, Анастасія і Уладлена) і хлопец Даніэль, заехалі ў Беларусь праз пункт пропуску «Грыгароўшчына» 26 ліпеня. Некаторыя з іх ужо былі на фестывалі ў Браславе ў мінулыя гады.
На відэа паказаны момант агляду аўтамабіля. Чуваць, як супрацоўніца пагранкантролю пытаецца, што за пакецік ляжыць ззаду ў салоне. А таксама момант праверкі пакеціка з дапамогай сабакі, паводзіны якога выклікалі падазрэнні адносна зместу пакеціка. Рэчыва было адпраўлена на экспертызу, а маладыя людзі затрыманыя.
Экспертыза паказала, што ў пакеціку была марыхуана вагой 0,82 грама. Па гэтым факце завялі крымінальную справу за незаконнае перамяшчэнне праз дзяржаўную мяжу небяспечнага наркатычнага рэчыва, здзейсненае групай асобаў.
Па словах карэспандэнта, Даніэль пазней выказаў здагадку, што пакецік мог згубіць у салоне яго знаёмы, якога ён падвозіў у Латвіі перад самым ад'ездам.
У сюжэце БТ малады чалавек абвяргае версію аб тым, што гэты пакецік мог быць падкінуты супрацоўніцай пагранкантролю.
Карэспандэнт расказвае, што 29 ліпеня замежнікаў выпусцілі з ІЧУ пад падпіску аб нявыездзе. Яны перасяліліся ў здымную кватэру, а потым у гасцініцу ў Полацку. Да іх прыехалі бацькі і родныя.
На «Віва Браслаў» затрымалі чатырох грамадзян Латвіі
«Паехалі ў Беларусь на вечарынку і цяпер льяце кракадзілавыя слёзы». Што думаюць у Латвіі пра затрыманне на «Віва Браслаў»
У аўтамабілі, які прыбыў у Латвію з Беларусі, знайшлі тайнікі на дыстанцыйным кіраванні
Эстонец спрабаваў вывезці з Беларусі 2500 рарытэтных марак, прычым большасць з іх была на канвертах
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах14
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Ага, і журналісту Чуденцову, які супрацоўнічаў з nexta, на памежным пункце Берасце-пасажырскі пад час спробы з'ехаць у Польшчу ніхто 0.87 грама марыхуаны ніхто не падкідваў.
Чарговая партыя закладнікаў.