Эканоміка11

Алексін перапісаў частку бізнэсу на нявестку

Набліжаны да Лукашэнкі бізнэсмен Аляксей Алексін цяпер у санкцыйных спісах. Абыходзіць абмежаванні яму дапамагаюць непублічныя сваякі, высветліла «Бюро».

Вясельная фотасесія Вікторыі Губанавай. Крыніца: Instagram-акаўнт вясельнага арганізатара

Яшчэ да ўвядзення абмежаванняў бізнэсмен пераразмеркаваў частку сваіх актываў паміж жонкай і двума сынамі, але ўжо ў чэрвені 2022 года Дзмітрый і Віталь Алексіны самі аказаліся пад санкцыйным ціскам ЕС.

Трэба было шукаць, на каго перапісаць актывы. Адным з такіх людзей стала жонка Дзмітрыя Вікторыя Губанава.

Дзмітрый Алексін і яго брат Віталь былі ўключаныя ў санкцыйны пакет ЕС 3 чэрвеня 2022 года. Праз 27 дзён, 30 чэрвеня, у беларускай кампаніі «Метраж» рэзка змяніўся бенефіцыяр. Дзмітрыя Алексіна, які быў саўладальнікам фірмы з 2007 года, на пасадзе змяніла яго жонка.

Кампанія «Метраж» спецыялізавалася на здачы нерухомай маёмасці. У красавіку 2024 года яна была ліквідаваная — яе далучылі да іншай фірмы Алексіных, якая Губанавай таксама дасталася ў «спадчыну» ад мужа — «Алекс Карго».

«Алекс Карго» займаецца імпартам і рэалізацыяй спецый, мясных вырабаў і нікацінавых паўчаў з краін СНД, Еўропы і Азіі. Акрамя таго, фірма валодае сеткай мясных рэстаранаў Hooper у Мінску.

Злева направа: Віталь Алексін, Вікторыя Губанава, Дзмітрый Алексін (снежань 2014 года). Крыніца: «УКантакце»

Змены адбыліся і з іншай кампаніяй.

У ліпені 2022-га, пасля траплення Віталя і Дзмітрыя ў блэк-ліст Еўрасаюза, кампанію «Велес-Міт» (яна займаецца мясам) перадалі ва ўласнасць свежастворанай юрыдычнай асобе — ТАА «Сандаа». Валодае «Сандаа» Андрэй Губанаў — бацька Вікторыі Губанавай, жонкі Дзмітрыя Алексіна.

«Сандаа», акрамя «ператрымкі» мяснога актыву Алексіна, паралельна займаецца імпартам пнеўматычных шын для аўтамабіляў з Францыі і Германіі.

Пасаду дырэктара ў фірме займае Раман Паўловіч. Дзякуючы «Кіберпартызанам» журналісты высветлілі, што ў 2020 годзе Паўловіч працаваў кіраўніком кампаніі і намеснікам начальніка аддзела па рэалізацыі ў «Велес-Міт».

Каментары1

  • даведка
    08.08.2024
    Надежда Зайцева, Владлена Зайцева, Александр Зайцев как-то связаны вместе?!

Цяпер чытаюць

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі26

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі

Усе навіны →
Усе навіны

На базе найноўшых ядзерных ракет у Расіі прагрымеў моцны выбух6

У Польшчы затрымалі за шпіянаж трох беларусаў і двух украінцаў6

Прапаганда кажа, што перахапіла чат-бот «Кіберпартызанаў» — даведаліся, што было насамрэч7

Андрэй Ярмак падаў у адстаўку з пасады кіраўніка Офіса прэзідэнта Украіны24

Беларуская крылатая ракета трапіла ў Дубай пад выглядам сумеснай распрацоўкі з ААЭ

Якія дамоўленасці былі ў амерыканцаў з Лукашэнкам па вызваленні палітвязняў? Тлумачыць Вячорка14

На Камароўцы прадаюць чарэшню па цане больш за 100 даляраў за кілаграм1

У Брэсце са страўніка хворага бусла дасталі кілаграм зямлі і камянёў4

Папулярнага блогера з Гомеля Rubakha Go забралі ў армію8

больш чытаных навін
больш лайканых навін

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі26

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі

Галоўнае
Усе навіны →

Заўвага:

 

 

 

 

Закрыць Паведаміць