Вайна11

«Усё штатна», але меры прымаюцца. Што цяпер адбываецца вакол Курскай АЭС 

Узброеныя сілы Украіны ўжо чацвёрты дзень знаходзяцца на тэрыторыі Курскай вобласці і ўзялі пад кантроль як мінімум 20 населеных пунктаў. Ад Курскай АЭС яны знаходзяцца яшчэ за некалькі дзясяткаў кіламетраў, але на станцыі, як паведамляецца, ужо трывожацца і робяць некаторыя падрыхтоўчыя захады.

Паводле інфармацыі мясцовых праўладных СМІ, пад'езды да Курскай АЭС цяпер перакрытыя. Тэхнічна гэта вырашаецца лёгка, паколькі, як сказаў супрацоўнік АЭС, «там дзве дарогі, на іх блок-пасты, паставіць ахову не праблема».

На блоках новай атамнай станцыі, якая цяпер будуецца побач са старой, усё абясточана, большасць будаўнікоў пакінула аб'ект. Пра змяншэнне колькасці персаналу афіцыйна паведаміў «Расатам».

Паводле інфармацыі выдання «Важные истории», яшчэ з 7 жніўня з будпляцоўкі АЭС сталі з'язджаць будаўнікі-вахтавікі — іх 10 тысяч у 40-тысячным Курчатаве.

«Тыя спецыялісты, што засталіся на будпляцоўцы, вядуць работы ў адпаведнасці з графікам. Усе сістэмы, якія забяспечваюць ход збудавання энергаблокаў, працуюць штатна», — заявілі ў прэс-службе генеральнага падрадчыка.

На дзейнай АЭС запэўніваюць, што ахова станцыі ўкамплектаваная і мае дастаткова сродкаў для абароны. На фоне ўступлення ўкраінскіх войскаў у рэгіён яна, маўляў, працуе ў штатным рэжыме. «Важные истории» даведаліся, што на службу ў ахове АЭС вярнулі мужчын-расгвардзейцаў, бо раней там у асноўным працавалі збольшага жанчыны.

Па словах крыніцы тых жа «Важных историй», кіраўніцтва АЭС рэкамендавала супрацоўнікам АЭС узяць адпачынкі за свой кошт і эвакуяваць дзяцей. 

Між тым мясцовыя паблікі паведамлялі, што над Курчатавам нібыта прагрымеў моцны выбух.

Паводле даных Z-каналаў, перадавому атраду УСУ ўдалося дайсці да вёскі Кромскія Быкі, якая размешчаная прыкладна за 30 км ад АЭС. Яшчэ бліжэй, на адлегласці 15 км, знаходзіцца траса Курск — Льгоў — Рыльск, кантроль над якой дазволіць украінскім сілам рухацца на ўсход у бок Курчатава.

Ад працы АЭС, якая размешчаная за 60 кіламетраў ад украінскай мяжы і складаецца з чатырох блокаў, залежаць 90% прамысловых прадпрыемстваў Курскай вобласці, яна пастаўляе электраэнергію ў 19 рэгіёнаў Цэнтральнай федэральнай акругі.

Акрамя таго, Курская АЭС цяпер адзіная ў Расіі станцыя, дзе актыўна будуюцца новыя інавацыйныя энергаблокі. У 2023 годзе на новабудоўлю даставілі корпус рэактара.

Не дзіўна таму, што бліжэй да яе цяпер перакінутыя «атрады спецыялістаў з ССА і ФСБ, якія павінны забяспечыць бяспеку стратэгічнага аб'екта». Таксама яшчэ ўчора паведамлялася, што каля АЭС размяшчаюць комплексы «Панцыр», а таксама «абсталююць дадатковыя рубяжы абароны».

Мэр Курчатава Ігар Карпункоў сёння папярэджваў жыхароў аб напружанай сітуацыі ў рэгіёне і заклікаў іх не паддавацца паніцы.

У Міжнародным агенцтве па атамнай энергіі (МАГАТЭ) заявілі, што сочаць за паведамленнямі пра падзеі вакол Курскай вобласці, дзе размешчаная АЭС, і знаходзяцца ў кантакце з РФ і Украінай. Пакуль, маўляў, няма падстаў для занепакоенасці адносна ядзернай бяспекі.

Каментары1

  • Кастусь
    09.08.2024
    никто наверное не подозревал в феврале 2022 что через 2.5 года придется отражать атаки на территории рф))) Г - геостратег
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу8

«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу

Усе навіны →
Усе навіны

«Хто ты? Дзе Арына? Што ты з ёй зрабіла? Куды дзеліся бровы?» Заўзятары весела абмяркоўваюць новы лук Сабаленкі18

Генсакратар НАТА: Усе краіны, уключаючы ЗША, цалкам прыхільныя падтрымцы Украіны8

«За дзевяць дзён ніводнай цэлай канапы, смурод страшэнны». Мінчанка пра тое, як нельга выбіраць кватарантаў3

Улады Ірана схапілі сотні чалавек па падазрэнні ў шпіянажы на Ізраіль. Пяцёра ўжо пакараныя2

Памёр сацыёлаг Мікола Кацук2

«Я ледзь пазнала Сяргея». Ціханоўская расказала, як змяніўся муж за гады ў турме, і адказала крытыкам ягоных эмоцый12

«Спачатку трэба зрабіць разлічэнне з «русским миром». Пазняк выступіў рэзка супраць акцыі Ціханоўскіх у Варшаве148

Па чатах беларускіх дыяспар раскідаюць фэйкавыя анонсы акцыі Святланы і Сяргея Ціханоўскіх у Варшаве10

Сяргей Ціханоўскі: Я — першы джэнтльмен Беларусі56

больш чытаных навін
больш лайканых навін

«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу8

«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу

Галоўнае
Усе навіны →

Заўвага:

 

 

 

 

Закрыць Паведаміць