Генеральны сакратар Нацыянальнага алімпійскага камітэта Беларусі гімнастка Ксенія Санковіч падзялілася ўражаннямі ад удзелу беларускай дэлегацыі ў Алімпійскіх гульнях у Парыжы.
У эфіры АНТ яна расказала, што беларусаў прымалі «вельмі добра».
«Я не ведаю, наколькі гэта было шчыра, але мы не адчувалі ніякага ціску, ніякага негатыву. І ўсе спартсмены ў інтэрв'ю гэта пацвярджалі. Не было ніякай агрэсіі», — адзначыла Санковіч.
Па яе словах, калі суразмоўцы даведваліся, што яны з Беларусі, то рэакцыя была заўсёды станоўчай. «Я не ведаю, магчыма, гэта такая еўрапейская ветлівасць».
Гімнастка дадала, што беларуская дэлегацыя вельмі перажывала адносна таго, як будзе прынята.
«Не хацелася, каб на спартсменаў быў яшчэ большы ціск, бо ў іх хапае розных праблем. Хацелася іх ад гэтага адгарадзіць, каб яны сканцэнтраваліся толькі на выступленні», — дзеліцца Санковіч.
«А калі сталі заваёўваць медалі, то яны сказалі: «Ну, рабяты. Прыехалі, склад маленькі, два гады не выступалі. Умовы такія складаныя — і выступаеце. Ну, проста «брава».
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары
Усім бы такія клопаты . Асабліва украінцам .