Спорт11

Вядучы БТ расказаў, як яго не хацелі пускаць у Парыж на Алімпіяду. Але ён перамог

Вядучы спартыўных праграм на каналах Белтэлерадыёкампаніі напісаў першы алімпійскі рэпартаж, які, па яго словах, ледзь не стаў апошнім.

Мікалай Стула. Фота: БелТА

Белтэлерадыёкампанія ўпершыню з 1984 года паказваць Алімпіяду не будзе. Аднак яе супрацоўнікі акрэдытацыю на гульні атрымалі. Дапамог прыналежны да БДТРК сайт sport5.by, ад якога ў Парыж і адправіўся вядучы БТ Мікалай Стула.

У першым рэпартажы з алімпійскага Парыжа галоўны рэдактар сайта sport5.by расказаў, як памежніцы не хацелі пускаць яго ў сталіцу Францыі. 

Усё пачалося з таго, што супрацоўнік БТ заблукаў у аэрапорце Шарля дэ Голя. Ён панаракаў на адсутнасць валанцёраў і незразумелыя паказальнікі. Дапамог Стулу адшукаць пашпартны кантроль цемнаскуры хлопец — былы студэнт маскоўскай ВНУ, які добра ведаў рускую мову.

Але пасля ўзнікла яшчэ адна праблема.

«Тры дзяўчыны-памежніцы наадрэз адмаўляліся пускаць у Францыю праз адсутнасць у пашпарце асобна ўклеенай шэнгенскай візы. Довады, што на ўсіх Алімпіядах акрэдытацыя і з'яўляецца візай, доўгі час не дзейнічалі. Нават «казырны туз»: слова schengen і нумар візы пад імем і прозвішчам у галоўным алімпійскім дакуменце не змог растапіць празмерную пільнасць», — расказаў Стула.

Памежніца ў выніку забрала ягоны пашпарт і пайшла, а яе калега нібыта пачала гугліць інфармацыю пра Беларусь.

Праз некаторы час дзяўчына-памежніца вярнулася і ўсё ж такі пусціла Стулу ў краіну. Гэта ён назваў маленькай перамогай.

Алімпійскія гульні ў Парыжы афіцыйна адкрыюцца сёння, 26 ліпеня.

Каментары1

  • Piotr
    26.07.2024
    А ангельскую мову вывучыць - адукацыi не хапае?)))
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка

Усе навіны →
Усе навіны

Як у медуніверсітэтах вырасла колькасць мэтавікоў за апошнія гады — змены істотныя

Прэзідэнт Літвы пазбавіў палітыка, які нядаўна ездзіў у Мінск, дзяржаўнай узнагароды2

«Анёл» шукае чалавека, які знік больш чым чвэрць стагоддзя таму

Віцэ-прэм'еры атрымаюць дадатковыя паўнамоцтвы1

Мядзведзю не дала прайсці з Літвы ў Беларусь памежная сцяна ВІДЭА

Лукашэнка паскардзіўся Пуціну, што ўсю беларускую бульбу прадалі ў Расію14

Праект «Жыццё-маліна» прызналі экстрэмісцкім фармаваннем3

Пасол Беларусі ў Турцыі абвергнуў інфармацыю пра знікненне беларускі з малым сынам

На ўсходзе Кітая адбыўся магутны выбух на хімічным заводзе

больш чытаных навін
больш лайканых навін

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка

Галоўнае
Усе навіны →

Заўвага:

 

 

 

 

Закрыць Паведаміць