У Светлагорску перадавіцу вытворчасці і шматдзетную маці судзілі за распаўсюд «экстрэмізму»
У Светлагорскім раённым судзе 16 жніўня вёўся адміністрацыйны працэс супраць Ірыны Субоцінай, піша «Гомельская Вясна».
На жанчыну было накладзена адміністрацыйнае спагнанне па ч. 2 арт. 19.11 (распаўсюджанне, выраб, захоўванне, перавозка інфармацыйнай прадукцыі, якая ўтрымлівае заклікі да экстрэмісцкай дзейнасці альбо прапагандуе такую дзейнасць) КаАП РБ.
Пастанову выносіла суддзя Ганна Гулевіч. Прысуд высвятляецца праваабаронцамі.
Вядома, што жанчына з такім іменем і прозвішчам больш за 20 год працуе ў Адкрытым акцыянерным таварыстве «Светлагорскі цэлюлозна-кардонны камбінат».
Пра Ірыну Субоціну у 2023 годзе пісала раённая газета «Светлагорскія навіны». Ірына — шматдзетная маці, у 2010 годзе яна была ўзнагароджаная Ордэнам Маці за выхаванне 5 дзяцей. Таксама Ірына Субоціна добра спраўлялася са сваімі прафесійнымі абавязкамі і за гэта яе ў 2013-м узнагародзілі ганаровай граматай таварыства, а ў 2021-м занеслі на Дошку гонару прадпрыемства за «добрасумленную працу і поспехі ў рабоце».
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка2
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары