У Гомелі судзяць былога міліцыянта, які падтрымліваў Украіну ў сацсетках
Вілен Тургунаў раней быў начальнікам аддзела ў АУС Чыгуначнага раёна Гомеля, а затым працаваў у прыватным сектары, піша «Радыё Свабода».
Гомельскі абласны суд пачаў разгляд справы былога міліцыянта Вілена Тургунава — экс-начальніка аддзела АУС Чыгуначнага раёна Гомеля.
Тургунава абвінавачваюць па трох артыкулах Крымінальнага кодэкса — ч.3 арт. 361 («заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы»), ч. 1 арт. 130 («распальванне расавай, нацыянальнай, рэлігійнай ці іншай сацыяльнай варожасці»), ч. 2 арт. 367 («паклёп на Лукашэнку»).
Суд праходзіць у закрытым рэжыме, як і большасць працэсаў над былымі сілавікамі, якіх улады падазравалі ў нелаяльнасці.
У «Белполе» пра Вілена Тургунава паведамілі, што мужчыну 55 гадоў, яго бацька родам з Узбекістана, маці беларуска. У Беларусь Вілен Тургунаў прыехаў з Бранскай вобласці Расіі, дзе скончыў універсітэт па спецыяльнасці «Правазнаўства». Жыў у Гомелі, быў жанаты, цяпер разведзены.
Вілен Тургунаў працаваў у міліцыі Гомеля, а пасля звальнення — у будаўніча-мантажным трэсце.
Вядома, што перад затрыманнем Вілен Тургунаў вёў старонкі ў сацыяльных сетках, дзе выказваўся пра палітычныя і сацыяльныя падзеі. За падтрымку Украіны іншыя карыстальнікі сетак называлі яго «бандэраўцам».
Судзіць Вілена Тургунава Алег Харошка, для якога гэта не першы працэс, звязаны з падзеямі ва Украіне.
Паводле звестак «Вясны», у кастрычніку 2022 года ён прызначыў 2 гады зняволення жыхару Гомельскай вобласці Уладзіславу Войну, якога прызнаў вінаватым у» садзейнічанні экстрэмісцкай дзейнасці» — гэта частка 1 артыкула 361-4 Крымінальнага кодэкса Беларусі.
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
-
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову
-
«Яна не дачакала гэтага дня, але гэты дзень дачакаў яе»: Ларысе Геніюш пасмяротна выдалі Нацыянальны пашпарт Беларусі
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары