У Беларусі знайшлі рэдкі від ядомай лісічкі — не жоўтую, а жаўтлявую
Знаходкай падзяліўся дасведчаны грыбнік Аляксандр Гарбацэвіч. Ён зняў рэдкі грыб на відэа і апублікаваў яго ў сацсетках.
Грыбнік расказаў, што рэдкі від — жаўтлявая лісічка — быў знойдзены ім у нетрах беларускіх балот.
Спачатку здалося, што гэта лісічка трубчастая — позні від, які ў Карэліі, напрыклад, збіраюць нават з-пад снегу. Але ў жаўтлявых лісічак больш аранжавыя ножкі і пласцінкі пад капялюшыкам менш выяўленыя, чым у трубчастых. А найбліжэйшы сваяк жаўтлявай лісічкі — лісічка чорная. Пах у жаўтлявай лісічкі такі ж, як і ў чорнай, па смаку ж яна падобная на лісічку жоўтую.
Па словах Аляксандра, жаўтлявая лісічка насамрэч смачная, хоць звычайна лічыцца, што не вельмі.
«Тое ж самае і пра трубчастыя было напісана, што гэта галоўны грыб Фінляндыі, але ўжываюць толькі капялюшык, таму што ножка пругкая, жорсткая. Але на самай справе, калі абсмажыць яе на алеі з соллю, то кансістэнцыя, як кальмар і грыб — нешта па цэнтры. Тэкстура такая пругкая, гнуткая. І смак даволі нядрэнны», — расказаў аматар ціхага палявання.
Цяпер чытаюць
Арыштаваны вядомы неўролаг Руслан Бадамшын. Ён быў на хатняй хіміі14
Каментары
Вось толькі навошта лезьці ў тыя нетры, каб зьбіраць гэткі жмых ? :) Ну, калі толькі прыродай палюбавацца, ды водару таго чароўнага ўдыхнуць, з самых імхоў.
Грыбоў жа хапае больш звыклых, асабліва ў верасах, якія, дарэчы, зацьвілі ў гэтым годзе нязвыкла рана, на радасьць бортнікам.