Асобныя атрады снайпераў і аператараў дронаў створаць ва ўнутраных войсках, паведаміў намеснік міністра ўнутраных спраў, камандуючы Унутранымі войскамі Мікалай Карпянкоў падчас святкавання 82-й гадавіны стварэння вайсковай часці 3214.
Ілюстрацыйнае фота з тэлеграм-канала Унутраных войск
Робіцца гэта з улікам «няпростай сітуацыі ў свеце і на рубяжах краіны». Так спецыяльны атрад хуткага рэагавання ўжо атрымаў статус цэнтра спецыяльнага прызначэння.
Ён адказвае за падрыхтоўку і службова-баявое прымяненне ўсіх дзесяці зноў сфармаваных спецпадраздзяленняў і 2 добраахвотніцкіх атрадаў спецназу.
«Праца ў гэтым кірунку прадаўжаецца, найбліжэйшым часам плануецца стварэнне асобных атрадаў снайпераў і аператараў дронаў», — гаворыцца ў паведамленні ў тэлеграм-канале Унутраных войск.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары