Пасля затрымання Паўла Дурава Telegram пачаў адказваць на запыты праваахоўных органаў
Пасля затрымання заснавальніка Telegram Паўла Дурава месенджар пачаў адказваць на запыты праваахоўных органаў і спецслужбаў. Змена ў ягонай палітыцы адбылася пасля пачатку супрацоўніцтва Дурава з французскімі сілавымі структурамі.
Пасля затрымання Дурава ў канцы жніўня ён абвясціў пра ўзмацненне мер па барацьбе са злоўжываннем сэрвісам. Журналісты сцвярджаюць, што цяпер Telegram пагадзіўся ўзмацніць мадэрацыю, а таксама дэананімізаваць некалькіх карыстальнікаў.
Актыўнае супрацоўніцтва Паўла Дурава са следствам павінна прывесці да прагрэсу ў расследаванні каля 10 тысяч спраў у Францыі, паведаміла газета Le Figaro, спасылаючыся на ўласныя крыніцы.
Вядома, што адна з краін Еўрасаюза ўжо атрымала інфармацыю пра суполку ў Telegram, праз якую былі замоўленыя дзясяткі забойстваў.
У Францыі Telegram адрэагаваў на запыты аддзела па справах непаўналетніх (OFMIN) нацыянальнай паліцыі і жандармерыі, а таксама перадаў інфармацыю, якая дапаможа ідэнтыфікаваць некаторых падазраваных, у тым ліку ў злачынствах супраць дзяцей.
Некаторыя справы з краін, якія не ўваходзяць у Еўрасаюз, цяпер праходзяць працэс рэгістрацыі ў французскай сістэме правасуддзя. Гэта дазваляе такім дзяржавам атрымаць доступ да інфармацыі ад Telegram праз супрацоўніцтва з французскімі ўладамі.
Праўда, розныя крыніцы адзначаюць, што пакуль рана рабіць высновы, з'яўляецца гэтае супрацоўніцтва «стратэгічным» і «доўгатэрміновым», ці яно проста «сітуацыйнае».
Дураў упершыню пракаментаваў сваё затрыманне ў Францыі
Павел Дураў на допыце заявіў, што супрацоўнічаў з французскімі спецслужбамі
«Сапраўдны геній»: што вядома пра Мікалая Дурава, сузаснавальніка Telegram
Каб Дураў не ўцёк з Францыі, у яго забралі ўсе пашпарты
Маці траіх дзяцей Дурава назвала Telegram сумесна нажытай маёмасцю і намякнула, што можа падаць у суд
Цяпер чытаюць
Што вядома пра былога палітвязня Сакалоўскага, які памёр у Берліне ў 47 гадоў1
Каментары