Грамадства11

Літва пабачыла ў закліках Рыжанкова рэкламны ход, а то і правакацыю

Заклікі міністра замежных спраў Беларусі да аднаўлення адносін з Літвой могуць быць звязаныя з выбарамі ў Сейм, лічыць спікер літоўскага парламента Вікторыя Чміліце-Нільсэн, паведамляе LRT.

«Мы гатовыя да аднаўлення кантактаў па лініі пагранічных і спецыяльных службаў, міністэрстваў і іншых ведамстваў. Можна пачаць працу з парламентарыямі або іншымі ўпаўнаважанымі літоўскімі дэлегацыямі. Мы гатовыя распрацоўваць дарожную карту па разблакаванні супрацоўніцтва, вядома, на аснове павагі суверэнітэту і права Беларусі на свой шлях развіцця», — заявіў міністр замежных спраў Беларусі Максім Рыжанкоў.

У адказ на гэта Вікторыя Чміліце-Нільсэн заявіла BNS, што такія заявы з Мінска ўжо гучалі раней і заўсёды суправаджаліся адступленнем ад дыялогу.

«На гэты момант у нас няма прычын меркаваць, што рэжым Лукашэнкі спыніў падтрымку Расіі. Акрамя таго, мы ведаем, што ў беларускіх турмах застаюцца зняволенымі журналісты і апазіцыянеры. Пазіцыя Літвы застаецца яснай: мы падтрымліваем беларускую апазіцыю», — сказала яна, дадаўшы, што не бачыць шчырасці ў заявах Рыжанкова.

Чміліце-Нільсэн таксама адзначыла, што публікацыя гэтага каментара за дзесяць дзён да выбараў у Сейм можа быць не выпадковай.

«Не хацелася строіць здагадкі, але можна меркаваць, што гэта звязана з перадвыбарнай кампаніяй. Аднак такія заявы гучалі і раней, не толькі ў перыяд выбараў», — падкрэсліла спікер парламента.

Старшыня Камітэта Сейма па еўрапейскіх справах і часовай групы «За дэмакратычную Беларусь» Жыгімантас Павілёніс назваў заяву магчымай правакацыяй.

«Паслухайце рыторыку прарасійскіх сіл накшталт Тамашэўскага або Жамайтайціса, якія заяўляюць аб неабходнасці зносін з беларускім рэжымам. Гэта ўсё даволі шызафрэнічна, не ўсе з іх асмельваюцца заяўляць, што не падтрымліваюць Украіну, але пры гэтым настойваюць на дыялогу з Менскам», — сказаў Павілёніс.

Старшыня Камітэта Сейма па замежных справах Эмануэліс Зінгерыс падтрымаў Павілёніса, адзначыўшы, што такія заявы могуць быць нацэленыя на літоўскіх выбаршчыкаў.

«Гэта спроба вярнуць страчаны ўплыў сярод грамадзян Літвы», — сказаў Зінгерыс.

У сваім каментары кіраўнік беларускай дыпламатыі таксама адзначыў, што, на думку Менска, неабходна «вярнуцца да канструктыўнага супрацоўніцтва, пакуль не позна», і папярэдзіў, што без гэтага можна дасягнуць «пункту незвароту».

Зінгерыс, аднак, заявіў, што дзеянні Мінска кажуць пра ягонае нежаданне аднаўляць стасункі.

«Хай дакажуць, што яны незалежныя ад Масквы», — заявіў Зінгерыс.

Літоўскі Сейм апошнім часам усё бліжэй да дэнансацыі некалькіх дамоваў з Беларуссю і абмяжоўвае ўдзел беларускага бізнэсу ў стратэгічных закупках. Палітыкі Літвы таксама не раз заклікалі да міжнароднай ізаляцыі Беларусі, абвінавачваючы яе ў падтрымцы Расеі ў вайне супраць Украіны і ў арганізацыі міграцыйнага крызісу на мяжы ЕС у 2021 годзе.

Каментары1

  • &
    26.09.2024
    Правільна, зачніць усе, дамагчыся поўнай ізаляцыі. Беларусь - гэта Расея без выняткаў.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Сталі вядомыя акалічнасці забойства пад Оршай аднаго расійскага паліцэйскага другім4

Сталі вядомыя акалічнасці забойства пад Оршай аднаго расійскага паліцэйскага другім

Усе навіны →
Усе навіны

У беларускіх радзільнях бяруць у закладнікі немаўлят, якіх нарадзілі мігранткі, каб спагнаць з бацькоў грошы? Разбіраемся13

Мядзведзеў расказаў, колькі расіян падпісалі вайсковыя кантракты, і моцна разышоўся з Пуціным1

У Францыі дзіцячы хірург гвалціў пацыентаў, калі яны былі пад наркозам5

Сілавікі прыйшлі ў «Вячэрні Бабруйск», «Бабруйск Інфо» і «Вольнае Глыбокае»8

Жанчына паскардзілася, што кіроўца аўтобуса не адчыніў ёй дзверы, хоць яшчэ не паехаў. Але ці абавязаны?2

Гігін анансаваў кардынальную змену выгляду будынка Нацыянальнай бібліятэкі16

Трамп: На працягу двух тыдняў стане ясна, ці водзіць нас Пуцін за нос14

Расія прапануе ўкраінцам сустрэцца 2 чэрвеня11

Праз дзевяць месяцаў пасля вызвалення памёр палітвязень Валерый Богдан7

больш чытаных навін
больш лайканых навін

Сталі вядомыя акалічнасці забойства пад Оршай аднаго расійскага паліцэйскага другім4

Сталі вядомыя акалічнасці забойства пад Оршай аднаго расійскага паліцэйскага другім

Галоўнае
Усе навіны →

Заўвага:

 

 

 

 

Закрыць Паведаміць