Грамадства1414

Адроджаную прэмію «За свабоду думкі» атрымаў вядомы музычны гурт

У Беларускім доме ў Варшаве адбылося ўрачыстае ўручэнне прэміі «За свабоду думкі» імя Васіля Быкава. Вяла цырымонію паэтка і тэлевядучая Валярына Кустава, а пераможцаў аб'яўляў кіраўнік Беларускай рады культуры Сяргей Будкін.

Адроджаная пасля перапынку прэмія дасталася гурту Naviband.

На імпрэзу, каб павіншаваць пераможцаў, завітала нацыянальная лідарка Святлана Ціханоўская. Яна прызналася, што Naviband — яе ўлюбёны гурт, які сярод іншага дапамог ёй прыйсці да беларушчыны.

Быў на цырымоніі і Павел Латушка, хоць не выступаў. А дарадца Святланы Ціханоўскай Аляксандр Мілінкевіч выступіў і адзначыў:

«У Беларусі таксама вайна, не толькі ва Украіне. І што ж нам трэба зрабіць, каб перамагчы? Каб краіна адрадзілася, трэба не згубіць дух, не згубіць сілу волі. І таму адраджэнне прэміі з'яўляецца сімвалам».

Мінскі інды-поп гурт Naviband быў створаны ў 2013 годзе, калі вакалісты Ксенія Жук і Арцём Лук’яненка выпадкова сустрэліся і вырашылі спяваць дуэтам.

У наступныя гады музыканты выступалі на буйных пляцоўках і фестывалях і станавіліся пераможцамі музычных нацыянальных конкурсаў у розных намінацыях. У 2017 годзе Naviband перамог у нацыянальным адборы на міжнародны конкурс «Еўрабачанне» з песняй «Гісторыя майго жыцця». Такім чынам песня на беларускай мове ўпершыню трапіла на «Еўрабачанне», дзе прайшла ў фінал.

Летам 2020 года гурт запісаў песню «Іншымі», прысвечаную тагачасным падзеям у Беларусі і асудзіў гвалт сілавікоў у дачыненні да мірных дэманстрантаў. Падчас пратэстаў музыкі выходзілі на маршы, запісвалі відэазвароты і выступалі на дваровых канцэртах. Восенню 2020 года музыкі эмігравалі ў Польшчу. 

У гэтым годзе гурт выдаў вінілавую кружэлку «Песні пра дом», куды ўвайшлі сінглы 2020—2023 гадоў, а таксама стварыў шэраг новых сінглаў: «Прабач», «Сокал», «Арыён», «Мама».

Летам 2024 года кранальная песня «Мама», кавер на якую амаль адразу зрабіў Лявон Вольскі, стала адным з найбольш пазнавальных хітоў у беларускай музычнай прасторы. Цяпер гурт запісаў новы альбом і абяцае прэзентаваць яго восенню.

Прэміяй «За свабоду думкі» імя Васіля Быкава ўзнагароджваюцца выбітныя творчыя асобы і грамадскія актывісты, якія адзначыліся сваёй дзейнасцю на карысць свабоднай Беларусі. Лаўрэатамі прэміі «За свабоду думкі» імя Васіля Быкава ў розныя гады станавіліся:

  • Паэты і пісьменнікі: Рыгор Барадулін, Ніл Гілевіч, Уладзімер Арлоў, Уладзімер Някляеў.
  • Літаратары і грамадскія дзеячы: Павал Севярынец.
  • Мастакі: Алесь Пушкін, Алесь Марачкін.
  • Краязнаўцы: Ада Райчонак, Алесь Белакоз.
  • Музыкі і выканаўцы: Лявон Вольскі, Зміцер Вайцюшкевіч, бард і акцёр Віктар Шалкевіч.
  • Рэжысёр: Валер Мазынскі.
  • Прадпрымальнік і грамадскі дзеяч: Зміцер Дашкевіч.

Каментары14

  • Ганьба
    03.10.2024
    Нацыянальная лідарка якой краіны? Хто яе прызначыў ці прызнаў у гэткай ролі?
  • Acab
    03.10.2024
    Калі ўжо будзе пра тое як адпачывае са сваім мужыком аўтарка гімнаў дэмпартыі спявачка Байансэ?
    Цікава ж, чаго маўчыцё пра творчую асобу
  • Дызайн Даведкі Прыгоннага Новай Беларусі
    03.10.2024
    Распрацавалі ўжо, прэміі раздаеце?! Чат ЖэПэТэ, дура электронная, рыпіць транзыстарамі, што з аднаго загаду праз тры сэкунды распрацуе якікольвек блянк.
    Во брахлівы робат
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стаў вядомы сэнс крымінальнай «справы страхаўшчыкоў»1

Стаў вядомы сэнс крымінальнай «справы страхаўшчыкоў»

Усе навіны →
Усе навіны

Двое дарослых загінулі, двое дзяцей атрымалі траўмы ў ДТЗ у Рэчыцкім раёне

Апошнія месяцы з Еўропы ў Беларусь амаль не гоняць свежыя аўто. Вось у чым прычына1

Вызвалены эстонец: У турме ў Беларусі да мяне ставіліся вельмі дрэнна. У XXI стагоддзі ніхто не павінен жыць у такіх умовах4

Дзярждэп заявіў пра павышаную рызыку для амерыканцаў за мяжой

Кіраўнік МЗС Ірана прыбыў у Маскву для перамоваў з Пуціным5

Краіны НАТА дамовіліся павялічыць выдаткі на абарону да 5% ад ВУП. Раней на гэтым настойваў Трамп8

Ціханоўскі расказаў, як за дапамогу яму асудзілі іншага вязня, што сядзеў не за палітыку3

Іран пагражае перакрыць Армузскі праліў пасля ўдараў ЗША па ядзерных аб'ектах7

«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»4

больш чытаных навін
больш лайканых навін

Стаў вядомы сэнс крымінальнай «справы страхаўшчыкоў»1

Стаў вядомы сэнс крымінальнай «справы страхаўшчыкоў»

Галоўнае
Усе навіны →

Заўвага:

 

 

 

 

Закрыць Паведаміць