«Пякельнае свята выйшла. З ахвярапрынашэннем». Жыхары Валожына паведамляюць пра расправу над катамі і сабакамі
19 кастрычніка ў Валожыне святкуюць абласныя «Дажынкі». Сёлета такія мерапрыемствы па чарзе наведвае Лукашэнка, і райцэнтр Мінскай вобласці выключэннем не стаў. Але мясцовыя жыхары паведамляюць пра адну праблему, якая гэта афіцыёзнае свята суправаджала, піша «Салідарнасць».
Жыхары Валожына расказваюць, што 10 кастрычніка служба адлову зладзіла ў горадзе аблаву на катоў і сабак, сярод якіх многія былі хатнімі, мелі нашыйнікі і біркі з данымі гаспадароў. Жывёл забівалі проста на вуліцы, кідаючы ў кузаў машыны ўперамешку жывых, параненых і ўжо мёртвых.
У пабліках абаронцаў жывёл адзначаюць, што гаспадароў жывёл пазбавілі законнага права вярнуць сваіх гадаванцаў на працягу пяці сутак пасля адлову. Людзі звязваюць жорсткую расправу над жывёламі з прыездам у горад Лукашэнкі.
«Пякельнае свята выйшла. З ахвярапрынашэннем. Дажынкі што, усюды суправаджаюцца кровапраліццем? Ахвяры ва ўгоду будучаму ўраджаю?» — абураюцца неабыякавыя грамадзяне.
У каментарах пішуць, што падобнае адбываецца ў многіх райцэнтрах. Праблема ў тым, што гадавальнікі для ператрымкі адлоўленых жывёл практычна адсутнічаюць за межамі самых буйных гарадоў краіны.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары