Жыхар Смаргоні з балкона абстраляў дзяцей з пнеўматыкі — яны разбудзілі яго петардамі
Жыхар Смаргоні ў сярэдзіне верасня абстраляў групу падлеткаў з пнеўматычнага пісталета ў двары шматпавярховага дома па вуліцы Якуба Коласа.
Мужчына спаў у сябе ў кватэры, на гадзінніку было 6 вечара. У гэты час на вуліцы кампанія падлеткаў пачала ўзрываць петарды, ад чаго мужчына прачнуўся.
Ён вырашыў дзяцей напалохаць. Узяў пнеўматычны пісталет «Stalker» і тры разы стрэліў металічнымі шарыкамі ў напрамку кампаніі падлеткаў. Стралок сцвярджае, што ні ў каго канкрэтна не цэліўся, страляў хаатычна. Але адзін з шарыкаў трапіў у грудзі 15-гадоваму юнаку.
Падлеткі ўцяклі, а пазней бацькі пацярпелага дзіцяці звярнуліся ў міліцыю. Сілавікі знайшлі стралка і затрымалі яго. Цяпер у дачыненні да падазраванага распачата крымінальная справа па артыкуле «хуліганства».
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады7
Каментары