Грамадства99

Швед паскардзіўся на Інтэрпал — не выдае беларусаў

Інтэрпал фактычна блакуе аб'яўленне ў міжнародны вышук «беларускіх злачынцаў». Пра гэта заявіў генеральны пракурор Беларусі Андрэй Швед на пасяджэнні аб'яднанай калегіі Генпракуратуры Беларусі і Генпракуратуры Расіі, піша БелТА.

Андрэй Швед. Фота: sb.by

На пасяджэнні абмяркоўвалася пытанне практыкі пракурорскага нагляду за выкананнем заканадаўства пры аб'яўленні і ажыццяўленні вышуку асоб, якія здзейснілі злачынствы.

Як адзначыў Андрэй Швед, больш за палову людзей у вышуку — гэта асобы, якія здзейснілі злачынствы «экстрэмісцкага характару» і ўхіліліся ад мерапрыемстваў па прызыве на вайсковую службу. Большасць з іх пакінула краіну да завядзення крымінальнай справы і знаходзіцца за межамі Беларусі і дзяржаў СНД.

«Трэба адзначыць, што аб'яўленне іх у міжнародны вышук фактычна блакуецца Інтэрпалам. Кампетэнтныя органы заходніх дзяржаў таксама часта па надуманых падставах адмаўляюць у выдачы беларускіх злачынцаў, у тым ліку тых, хто здзейсніў нарказлачынствы, цяжкія злачынствы супраць чалавека і маёмасці. Ведаю, што і расійскія калегі сутыкаюцца з палітычна матываванымі адмовамі ў выдачы злачынцаў», — падкрэсліў кіраўнік беларускага ведамства.

«Зараз па нашай ініцыятыве зацікаўленымі дзяржаўнымі органамі распрацоўваецца алгарытм міжведамаснага ўзаемадзеяння па забеспячэнні права пацярпелых па крымінальных справах на абскарджанне рашэнняў органаў Інтэрпола аб адмове ў аб'яўленні абвінавачаных у міжнародны вышук альбо аб неабгрунтаваным выдаленні звестак аб такіх асобах з інфармацыйнай сістэмы», — дадаў Андрэй Швед.

Каментары9

  • Саўка
    01.11.2024
    Здаецца, што за правал спробы выцягнуць Гнёта з Сербіі Швед моцна атрымаў па шапцы. Таму адзінае, што яму застаецца - гэта скардзіцца на захад на сходцы падобных да яго кішэнных "пракурораў" дыктатарскіх краін-агрэсарак. Пры гэтым Швед "не заўважае" адкрыты палітычны тэрор унутры Беларусі, катаванні і забойствы, а ягоны пуцінскі калега Красноў - апроч палітычнага тэрора ўжо не рэагуе нават на бандыцкае бязмежжа, кшталту страляніны з ахвярамі ў будынку штаб-кватэры Wildberries у 400 метрах ад Крамлю.
  • Хайдрих и Калтенбруннер
    01.11.2024
    [Рэд. выдалена]
  • знаёмы
    01.11.2024
    Ну дык, хто будзе мець справу з краінай у якой няма законаў.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Доктарку Алену Мікалаеву падчас вайны адправілі на Валадарку за дапамогу габрэям — у XXI стагоддзі там жа апынецца яе праўнучка Марына Золатава2

Доктарку Алену Мікалаеву падчас вайны адправілі на Валадарку за дапамогу габрэям — у XXI стагоддзі там жа апынецца яе праўнучка Марына Золатава

Усе навіны →
Усе навіны

Прэзідэнт Германіі падкрэсліў ролю беларусаў у перамозе над нацызмам2

Мінскі іпэшнік, які пісаў ананімкі на канкурэнтаў, аказаўся дырэктарам турфірмы, якая не давезла турыстаў у Рыгу2

Трамп усцешыўся, што Папам абралі амерыканца3

Новым Папам абвясцілі амерыкана-перуанскага кардынала Роберта Прэво13

Гомельскі сенатар хацеў пагрэцца ў прамянях «Вялікай Перамогі», але яўна перагнуў з самапіярам ФОТАФАКТ21

У Ватыкане абралі новага Папу6

Буйныя дзяржпрадпрыемствы хочуць працаўладкаваць тысячы работнікаў

Мельнікава прыляцела на Шры-Ланку, але пасля паляцела далей — Цімур Алеўскі21

Беларусам прапануюць дзіўную падпрацоўку за 1000 рублёў у дзень3

больш чытаных навін
больш лайканых навін

Доктарку Алену Мікалаеву падчас вайны адправілі на Валадарку за дапамогу габрэям — у XXI стагоддзі там жа апынецца яе праўнучка Марына Золатава2

Доктарку Алену Мікалаеву падчас вайны адправілі на Валадарку за дапамогу габрэям — у XXI стагоддзі там жа апынецца яе праўнучка Марына Золатава

Галоўнае
Усе навіны →

Заўвага:

 

 

 

 

Закрыць Паведаміць