У выніку дарожна-транспартнага здарэння з беларускім аўтобусам у Польшчы пацярпела шэсць грамадзян Беларусі, якія дастаўленыя ў медыцынскія ўстановы. Пра гэта БелТА паведамілі ў МЗС.
«Паводле інфармацыі праваахоўных органаў Польшчы, 14 лістапада на аўтастрадзе ў напрамку г. Познань адбылося ДТЗ з беларускім аўтобусам. У выніку ДТЗ пацярпела шэсць беларускіх грамадзян, якія дастаўленыя ў медыцынскія ўстановы», — гаворыцца ў паведамленні.
ДТЗ адбылося 14 лістапада каля 1.40 па мясцовым часе на 381-м км трасы А2. Транспартны сродак, у якім знаходзіліся 11 чалавек, рухаўся ў напрамку Познані. Паводле папярэдніх звестак, аўтобус з'ехаў з дарогі, упаў у кювет і перакуліўся.
«Аўтобус меў Беларускія рэгістрацыйныя нумары. На месца здарэння былі адпраўленыя шматлікія пажарныя падраздзяленні», — адзначаецца ў паведамленні польскіх экстранных службаў. На месцы працавалі 5 медыцынскіх выратавальных атрадаў і 6 пажарных разлікаў. Падчас выратавальнай аперацыі была перакрытая адна паласа шашы.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах11
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары