У Мінску з 14 снежня пачнуць працу навагоднія і калядныя кірмашы. Начальнік галоўнага ўпраўлення гандлю і паслуг Мінгарвыканкама Алена Нагорная адзначыла, што для зручнасці жыхароў і гасцей з 25 снежня свае кірмашы падрыхтуюць і адміністрацыі раёнаў горада, піша БелТА.
Галоўны кірмаш будзе працаваць побач з Палацам спорту з 14 снежня да 14 студзеня. Даты былі выбраны з улікам таго, каб людзі маглі атрымаць асалоду ад атмасферы свята на навагоднія і калядныя канікулы, адзначыла Алена Нагорная.
На кірмашы прадставяць навагоднія пачастункі, а таксама разгорнуць фотазоны. Уся інфармацыя пра месцы і даты правядзення будзе размешчана на сайтах Мінгарвыканкама і раённых адміністрацый.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна6
Каментары