Свет

Літва не знайшла прыкмет дыверсіі ў падзенні самалёта ў Вільні

Літва не выявіла прыкмет таго, што крушэнне грузавога самалёта DHL у Вільні 25 лістапада магло быць вынікам дыверсіі. Найбольш верагодная прычына інцыдэнту — тэхнічная няспраўнасць, заявіў міністр абароны Літвы Лаўрынас Кашчунас.

На месцы аварыі. Фота: AP Photo/Mindaugas Kulbis

«З улікам наяўнай у нас інфармацыі няма падстаў меркаваць, што гэта была дыверсія», — заявіў Кашчунас, якога цытуе агенцтва Reuters.

Міністр адзначыў, што візуальны агляд не выявіў слядоў знешняга ўздзеяння на самалёт, а члены экіпажа, якія выжылі, паведамілі, што перад крушэннем не было прыкмет хаосу, дыму ці хвалявання.

Начальнік Нацыянальнага цэнтра крызіснага кіравання Літвы Вілмантас Віткаўскас пацвердзіў, што следчыя схіляюцца да тэхнічнай прычыны аварыі.

«Калі будуць атрыманыя новыя даныя, мы можам змяніць напрамак расследавання, але пакуль такіх даных няма», — заявіў ён.

Літоўскія ўлады таксама паведамілі, што самалёт не выкарыстоўваў GPS для пасадкі, таму магчымыя перашкоды ў сігналах не маглі паўплываць на інцыдэнт.

Нагадаем, што раніцай 25 лістапада грузавы самалёт DHL, які выконваў рэйс з нямецкага Ляйпцыга, зрабіў жорсткую аварыйную пасадку побач з жылым домам у Вільні. У выніку крушэння загінуў адзін чалавек.

Міністр замежных спраў Германіі раней дапускаў, што інцыдэнт мог быць або няшчасным выпадкам, або гібрыднай атакай у «нестабільныя часы». А галоўнакамандуючы нямецкага Бундэсвера Карстэн Броер выказаў гіпотэзу, што інцыдэнт мог быць «праверкай» з боку Расіі для выяўлення патэнцыйных слабых месцаў.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Трамп вымушана спыняе рэйды супраць імігрантаў у сельскай гаспадарцы і гатэльным бізнэсе3

Навукоўцы знайшлі просты спосаб паспрыяць росту раслін — музыка, але не кожная20

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

Што можа чакаць тых, каго будуць судзіць па справе «Беларускага Гаюна»?

Лукашэнка парэкамендаваў беларусам не налягаць на бульбу13

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць