Свет11

У Грузіі працягваюцца пратэсты, паліцыя прымяніла вадамёты

Нягледзячы на жорсткі разгон пратэстаў напярэдадні, грузіны, абураныя афіцыйнай адмовай уладаў ад працэсу еўраінтэграцыі, зноў выйшлі на вуліцы буйных гарадоў. 

Сотні дзейных супрацоўнікаў розных грузінскіх міністэрстваў, уключаючы МЗС, Мінабароны, Мінадукацыі і Мінюст, 29 лістапада падпісалі адкрытыя лісты, якія асуджаюць замарожванне перамоваў аб уступленні краіны ў ЕЗ як неканстытуцыйнае, паведамляе Reuters.

Некаторыя прыватныя ўніверсітэты краіны заявілі, што прыпыняюць навучальны працэс на фоне беспарадкаў.

А ўвечары ў пятніцу ў сталіцы Грузіі пачалася новая акцыя пратэсту каля будынка парламента краіны. Тысячы людзей выйшлі на мітынг другі дзень запар, нягледзячы на жорсткі разгон акцыі мінулай ноччу і шматлікія затрыманні.

Пратэстоўцы перакрылі рух на праспекце Руставелі, куды былі сцягнутыя значныя сілы паліцыі. На плошчу да парламента ў Тбілісі прыбыў спецназ, да плошчы былі падагнаныя вадамёты.

Грузінскія СМІ паведамляюць, што спецназ ужо ўжыў вадамёты на некаторых тбіліскіх вуліцах. Выданне Tbilisi life удакладняе, што за некалькі хвілін да прымянення вадамётаў сілавікі выкарыстоўвалі пярцовы спрэй.

МУС Грузіі выпусціла прэс-рэліз, у якім сцвярджаецца, што «некаторыя з прысутных выступілі супраць праваахоўнікаў і абразілі іх славесна, пашкодзілі асвятляльныя ліхтары і іншае абсталяванне, а таксама падпалілі электраправодку». «У паліцэйскіх кідаюць неапазнаныя прадметы, адзін паліцэйскі паранены», — сцвярджае ведамства.

Акцыя пратэсту праходзіць і ў Батумі. Грамадзяне прыйшлі да мэрыі горада і праводзяць там мітынг. На месцы прысутнічае вялікая колькасць паліцэйскіх, якія пакуль не ўмешваліся ў тое, што адбываецца.

Стыхійныя пратэсты пачаліся ў Грузіі 28 лістапада. Тысячы людзей спантанна сабраліся каля парламента ўвечары пасля таго, як прэм'ер Іраклі Кабахідзэ абвясціў пра адмову ад пачатку перамоў пра ўступленне Грузіі ў Еўрапейскі Саюз. Да 9 вечара пратэстоўцы перакрылі праспект Руставелі, а пасля занялі і іншыя прылеглыя вуліцы, на якіх знаходзяцца службовыя ўваходы ў парламент.

Пасля апоўначы супраць дэманстрантаў сталі выкарыстоўваць спецыяльныя сродкі, у МУС заявілі, што «акцыя выйшла за межы мірных сходаў». Да 2 гадзін ночы пачаўся разгром пратэстоўцаў і масавыя затрыманні. Як адзначыў народны абаронца Грузіі Леван Іаселіані, дэманстрацыя насіла мірны характар, а дзеянні паліцыі парушылі свабоду сходаў. У СМІ з'явіліся кадры шматлікіх фактаў збіцця ўдзельнікаў акцыі, у тым ліку журналістаў і палітыкаў.

Каментары1

  • в чем смысл?
    30.11.2024
    У них же там тепло

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

У Мінску пачалі будаваць аўтадарогу з Калодзішчаў у Калодзішчы

У Нацбанку растлумачылі прычыны тэхнічнага збою, які адбыўся з карткамі4

Не думайце, што гэта капейкі!4

«Я амаль заўсёды ў дарозе». Гісторыя бяздомнай беларускі, якая жыве ў падарожжах9

«З залатой бульбы». Беларуска знайшла дранікі за 32 рублі1

Арына Сабаленка не прайшла ў фінал Уімблдона4

У Літве расказалі, чаму не збівалі дрон, які заляцеў да іх з Беларусі4

Сенсацыйнае адкрыццё: звычайны сіроп ад кашлю абараняе ад дэменцыі

З-за непагадзі Мінск перажывае вялікія транспартныя складанасці

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць