Каля Нацыянальнай бібліятэкі адкрыюць бясплатную навагоднюю карусель
20 снежня ў Мінску каля Нацыянальнай бібліятэкі адкрыецца зімовы кірмаш. На ім можна будзе пакатацца на бясплатнай навагодняй каруселі, піша агенцтва «Мінск-Навіны».
Таксама тут будзе адкрытая спецыяльная сцэна-тэлевізар, дзе па выхадных і святах будуць паказваць забаўляльную праграму, і «фабрыка падарункаў», дзе можна будзе выйграць каштоўныя прызы. Кірмаш будзе працаваць у парку Пісьменнікаў.
Па словах арганізатараў, летась такі кірмаш ужо працаваў, толькі каля Вялікага тэатра Беларусі. У гэтым годзе ён мяняе сваю лакацыю.
«Атмасфера чароўнасці і свята захаваецца, а вось гулянні будуць яшчэ маштабнейшыя і ярчэйшыя. Сцэна-тэлевізар, бясплатная навагодняя карусель і паравозік, лялечны тэатр, фабрыка падарункаў, эфектная і пухнатая елка, святочныя стравы і напоі — будзе вельмі смачна і весела», — абяцаюць арганізатары.
Таксама на кірмашы адкрыюць ёлачны базар.
Працаваць лакацыя будзе да 7 студзеня, з 15:00 да 23:00 у будныя дні і з 13:30 да 23:00 па выхадных і святах.
«Камунарка» паказала свой адвэнт-каляндар і атрымала хвалю крытыкі
Светлавы аб'ект у выглядзе НЛА з'явіцца ў Мінску да навагодніх святаў
У мінскіх гандлёвых цэнтрах і кавярнях цяпер не будуць уключаць сусветныя навагоднія хіты. Затое даюць зарабіць праўладным артыстам
У Dana Mall зноў зрабілі вельмі прыгожую навагоднюю інсталяцыю ФОТЫ
Мінскія ўлады прадпісваюць упрыгожваць навагоднія вітрыны толькі «элементамі славянскага паходжання»
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары