Надвор’е ўносіць свае карэктывы ў хаду жніва. Нядаўна агучаная дата завяршэньня ўборкі чарговы раз перанесеная. Гэтым разам на 5 верасьня.
Па стане на 30 жніўня было намалочана 5 млн. 486 тыс.т — то бок на 754 тыс.т менш, чым у мінулым годзе на гэтую дату.
Найбольш намалацілі на Меншчыне — звыш 1,5 млн.т. На Гараденшчыне сабрана 1 млн. 89 тыс.т зерня, Берасьцейшчыне — 780 тыс.т, Магілеўшчыне — 744 тыс.т, Гомельшчыне — 692 тыс.т, Віцебшчыне — 676 тыс.т.
Скошана зерневых з 1 млн. 885 тыс.га (86,2%). У Берасьцейскай вобласьці не апрацавана 4,6% плошчы, у Гарадзенскай — 4,4%, у Гомельскай — 10,2%, у Менскай — 14,8%, у Магілеўскай — 24,4%, у Віцебскай — 24,3%.
На ўласных падворках сабралі зярна зь пятай часткі плошчы (91 тыс.т.)
Каментары