Баптысцкаму прапаведніку Мікалаю Хілу выставілі абвінавачванне па цяжкім артыкуле
Спачатку меркавалася, што яго арыштавалі за «абразу Лукашэнкі».
Мікалаю Хілу 41 год. Ён скончыў МДЛУ ў 2006 годзе. Мікалай вядомы найперш як пратэстанцкі прапаведнік у царкве евангельскіх хрысціянаў-баптыстаў «Дабравесце».
Хіла быў затрыманы 24 красавіка 2024 года, і праваабаронцы меркавалі, што яму інкрымінуюць «абразу Лукашэнкі». Гэта той артыкул, па якім можна абмежавацца і хіміяй.
Аднак, як высветлілася, у выніку прапаведніку выставілі абвінавачванне па двух артыкулах — 130 ч. 1 (распальванне варожасці) і 361 ч. 3 (заклікі да санкцый). Пакаранне па другім з іх прадугледжвае ад 4 да 12 гадоў калоніі.
Працэс пачнецца 23 снежня 2024 у Мінскім гарадскім судзе.
Судзіць яго будзе Алена Ананіч. Яна судзіла шмат вядомых палітвязняў — напрыклад, адмерыла 11 гадоў былому следчаму Яўгену Юшкевічу, 4 гады студэнту-медыку Уладзіславу Марціновічу, 8 гадоў адвакату Віталю Брагінцу. Агулам яна вынесла дзясяткі прысудаў на дакладна больш сотні гадоў пазбаўлення волі.
***
Масавыя палітычныя рэпрэсіі ў Беларусі працягваюцца з 2020 года.
Тады Аляксандр Лукашэнка прайграў Святлане Ціханоўскай, але не аддаў уладу.
Па словах намесніка начальніка Галоўнага ўпраўлення працэсуальнага кантролю Следчага камітэта Аляксандра Жукава, было зафіксавана больш за 22 500 «злачынстваў экстрэмісцкай скіраванасці», гэта значыць, палітычнага характару. Па многіх з гэтых крымінальных спраў праходзяць шматлікія фігуранты.
Згодна з інфармацыяй Паўла Латушкі, прадстаўніка Аб'яднанага пераходнага кабінета, з 2020 года рэпрэсіі закранулі 136 тысяч чалавек. Некалькі соцень тысяч беларусаў вымушаныя былі пакінуць краіну.
«Наша Нiва» — бастыён беларушчыны
ПАДТРЫМАЦЬЦяпер чытаюць
На абедзе Лукашэнкі і Сі Цзіньпіна прысутнічала і адзіная дачка кітайскага лідара8
Каментары
...
а Павел Латушка хоць аднаго палітвязня ў сваім доміку прыюціў? можа хаця б дачку сваю?