Штаб па забеспячэнні энергабяспекі, створаны ва ўрадзе непрызнанай міжнароднай супольнасцю Абхазіі, звярнуўся да інтэрнэт-правайдараў з просьбай адключыць 10 снежня з 00:00 да 07 раніцы на ўсёй тэрыторыі гэтай краіны інтэрнэт.
Такая непапулярная мера плануецца, як паведамляецца, для барацьбы з незаконным майнінгам крыптавалют.
Пытанне пра ўвядзенне ў Абхазіі рэжыму надзвычайнай сітуацыі ў сферы энергетыкі плануецца разгледзець на нарадзе ў мясцовым урадзе 10 снежня.
Гендырэктар кампаніі «Чарнаморэнерга» Цімур Джынджолія паведаміў на пасяджэнні штаба пра тое, што 40-45 мегават ад агульнай энергасістэмы спажываюць майнінг-фермы, размешчаныя ў Абхазіі.
Раней у Абхазіі зрабілі больш строгім графік веерных адключэнняў электраэнергіі, з 11 снежня на яе тэрыторыі будзе прыпынены адукацыйны працэс.
Сталіца Абхазіі Сухумі і заходняя частка краіны сілкуюцца электраэнергіяй ад Расіі, астатняя частка — ад Інгурскай ГЭС, якой таксама карыстаецца Грузія.
Праблемы з электраэнергіяй узніклі ў Абхазіі пасля таго, як яна ўступіла ў канфлікт з Расіяй, субсідыяў якой напаўняюцца не менш за 70% бюджэту гэтай непрызнанай дзяржавы. У пачатку мінулага тыдня парламент часткова прызнанай Абхазіі прагаласаваў супраць ратыфікацыі пагаднення з Расіяй, што два тыдні таму стала падставай для масавых пратэстаў.
У сярэдзіне лістапада дакумент, які дазволіў бы расійскім кампаніям запускаць у працу інвестыцыйныя праекты на тэрыторыі краіны, выклікаў пратэсты ў Сухумі. 15 лістапада апазіцыя захапіла будынкі парламента і Адміністрацыі прэзідэнта — а ўлады адмянілі галасаванне па ратыфікацыі пагаднення.
19 лістапада праз крызіс прэзідэнт Аслан Бжанія пайшоў у адстаўку.
Расія, імкнучыся дабіцца свайго, цісне на Абхазію эканамічна, тым больш што непрызнаная дзяржава завінавацілася ёй звыш 650 млн рублёў за энергію. Акрамя таго, на мінулым тыдні Расія забараніла ўвоз з Абхазіі аднаго з асноўных яе экспартных тавараў — мандарынаў.
Расія забараніла ўвоз мандарынаў з Абхазіі
Парламент Абхазіі прагаласаваў супраць ратыфікацыі пагаднення з Расіяй
Прэзідэнт непрызнанай Абхазіі пайшоў у адстаўку
«Будуць адпраўлены па маршруце з трох літар». Вось як Генпракуратура Абхазіі адказала на запыт пра Лукашэнку
Што атрымаў Лукашэнка за візіт у Абхазію?
Каментары
🤣🤣🤣