Міністр культуры Літвы: Забараняць расійскую мову мы не будзем. Але я супраць увозу культуры сучаснай Расіі
Шарунас Біруціс абяцае знайсці спосаб не пускаць у Літву сучасную расійскую культуру.
Новы міністр культуры Літвы Шарунас Біруціс заявіў, што выступае катэгарычна супраць увозу сучаснай расійскай культуры ў краіну.
Ён паабяцаў знайсці спосаб забараніць такі ўвоз, піша LRT.
«Я вельмі выразна заяўляю: я супраць прыўнясення сюды культуры цяперашняй расійскай дзяржавы, асабліва цяпер. Як мы можам гэта забараніць? Думаю, разам мы знойдзем спосаб, чаго дагэтуль не было зроблена», — адзначыў Біруціс.
Біруціс шкадуе, што папярэдні ўрад не зрабіў захадаў для абмежавання гастроляў расійскіх артыстаў, чыя дзейнасць супярэчыць нацыянальным інтарэсам.
«Што не зрабіў ранейшы ўрад, дык гэта не стварыў камісію, якая магла б ацэньваць артыстаў з Расіі, якія плануюць выступы ў Літве», — адзначыў ён.
Пасля анексіі Крыма Расіяй у 2014 годзе ў Літве непажаданымі сталі дзеячы культуры, якія падтрымалі дзеянні Крамля ці выступалі на акупаваных тэрыторыях Украіны. Сярод іх — расійскія артысты Філіп Кіркораў, Наташа Каралёва і іншыя. Аднак, па словах Біруціса, у краіну ўсё ж працягваюць прыязджаць выканаўцы, якія падтрымліваюць расійскую агрэсію.
Пры гэтым міністр падкрэсліў, што гаворка не ідзе пра забарону рускай мовы, якая з'яўляецца роднай для часткі грамадзян Літвы і многіх украінскіх уцекачоў.
«Мы, вядома, не будзем забараняць рускую мову ці рэлігію. Гэта не наш шлях», — заявіў Біруціс.
«Мы з вамі не па чутках ведаем, што такое культура ў нашай краіне». Што гаварылася на прадстаўленні новага міністра культуры
У мінскіх гандлёвых цэнтрах і кавярнях цяпер не будуць уключаць сусветныя навагоднія хіты. Затое даюць зарабіць праўладным артыстам
Святкаваць трэці падзел Рэчы Паспалітай, даплачваць Гігіну і адсунуць Марзалюка: як Расія хоча перапісаць гісторыю Беларусі
Каментары