Да года зялёнай змяі ў «Галерэі» павесілі 120-метровага Вужынага караля
Вужыны кароль — герой беларускай міфалогіі, захавальнік таямнічых скарбаў, сімвал мудрасці і багацця. Galleria Minsk запрашае далучыцца да беларускіх легенд і фальклору. А таксама дакрануцца на ўдачу да самага вялікага ў краіне сімвала будучага года.
У гэтым годзе «Галерэя» стварыла незвычайны навагодні дэкор — пад каранямі Сусветнага дрэва вы зможаце зазірнуць у госці да Вужынага караля.
«Вужыны кароль — легендарная істота беларускіх міфаў, уладар змяінага царства і захавальнік таямнічых скарбаў. Яго памеры вас сапраўды ўразяць. Велічны, незвычайнай прыгажосці, са скурай, ззяючай, як зорнае неба, залатой каронай на галаве», — пішуць стваральнікі фотазоны.
Яны раяць абавязкова дакрануцца да змяінай кароны на старонках вялікай кнігі легенд — «і вам напэўна пашанцуе ў новым годзе», абяцаюць яны.
Маштабы інсталяцыі вас сапраўды ўразяць. Даўжыня ўсёй дэкарацыі — 120 метраў. Збіралі яе восем начэй. Гэтую інсталяцыю можна лічыць самым буйным сімвалам года ў краіне.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары