Ноччу 22 снежня ў расійскай Арлоўскай вобласці прагрымелі выбухі, сацсеткі паведамляюць пра атаку і пажар на нафтабазе.
Губернатар Арлоўскай вобласці РФ Андрэй Клычкоў пацвердзіў напад на нафтабазу.
«У цяперашні час Арлоўская вобласць у чарговы раз падвяргаецца масіраванай варожай атацы БПЛА, у выніку якой зноў адбылося ўзгаранне на аб'екце паліўнай інфраструктуры ў пасёлку Стальны Конь», — заявіў у телеграме губернатар Арлоўскай вобласці Андрэй Клычкоў.
Гэта ўжо другая атака за тыдзень. 14 снежня Клычкоў паведамляў, што ў выніку масіраванай атакі беспілотнікаў адбылося ўзгаранне паліва на аб'екце інфраструктуры.
Нафтабаза «Стальны Конь» абслугоўвае працу магістральнага нафтаправода «Дружба». Генштаб УСУ тады сцвярджаў, што ў ноч на 14 снежня ўкраінскія вайскоўцы нанеслі ўдар па станцыі нафтабазы «Стальны Конь», назваўшы яе «часткай расійскага ВПК, які забяспечвае пастаўкі нафтапрадуктаў для войска РФ».
Мінабароны Расіі паведаміла, што ноччу 22 снежня сродкамі СПА былі знішчаныя 42 украінскія беспілотнікі — 20 БПЛА над тэрыторыяй Арлоўскай вобласці, па 8 БПЛА — над Растоўскай і Бранскай абласцямі, 5 — над Курскай вобласцю і адзін — над Кубанню.
Цяпер чытаюць
Полк Каліноўскага паведаміў пра гібель трох байцоў2
Каментары