За ўдзел у пратэстах судзяць 29-гадовую настаўніцу сталічнай гімназіі
Ганна Падаляка працуе ў гімназіі №29 педагогам-арганізатарам.
20 студзеня 2025 года ў судзе Фрунзенскага раёна Мінска пачынаецца палітычны працэс над 29-гадовай Ганнай Падалякай.
Ганна родам з Мінска. Скончыла Беларускі дзяржаўны педагагічны ўніверсітэт імя Максіма Танка ў 2017 годзе. Дзяўчына была настаўнікам-дэфектолагам у яслі-садку ў Ракаве (Валожынскі раён), пасля вярнулася ў сталіцу. Ганна працавала ў школе №55, а цяпер пазначана на сайце сталічнай гімназіі №29 як педагог-арганізатар. «Найлепшы сябар дзяцей», — адзначаецца пад яе іменем.
Хобі Ганны — карэйская культура. Яна ўдзельнічала ў конкурсах пасольства, пісала на сайце аматараў Карэі.
Апошні раз дзяўчына была анлайн 18 снежня 2024 года. Цяпер палітычныя справы пастаўленыя на канвеер — паміж арыштам і прысудам можа прайсці ўсяго месяц.
Ганне інкрымінуецца ўдзел у пратэстах (ч.1 арт. 342 Крымінальнага кодэксу). Магчымае пакаранне — ад арышту да 4 гадоў калоніі. Суддзя — Таццяна Палулех.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары