Генштаб Узброеных сіл Украіны распрацоўвае ўласную сістэму супрацьпаветранай абароны (СПА) і супрацьракетнай абароны (СРА), якая зможа перахопліваць расійскія балістычныя ракеты «Арэшнік», расказаў галоўнакамандуючы Узброенымі сіламі Украіны (УСУ) Аляксандр Сырскі.
Па словах Аляксандра Сырскага, распіяраная Уладзімірам Пуціным балістычная ракета «Арэшнік» з'яўляецца пагрозай для Украіны і цяпер яе могуць збіць толькі некалькі сістэм СПА. Ён паведаміў, што ў краіне пакуль няма такіх сістэм, «але мы павінны зрабіць усё, каб яны з'явіліся».
«Гэта нас падахвочвае да стварэння ўласнай сістэмы супрацьпаветранай абароны, якая была б не проста супрацьпаветранай, а супрацьракетнай сістэмай. Гэта падахвочвае нас актыўна весці і перамовы з саюзнікамі, каб атрымаць такую сістэму. І, вядома, гэта павінна заахвоціць нас да стварэння сучаснай ракетнай сістэмы, якая магла б быць стрымальным фактарам супраць прымянення такой зброі расейцамі», — заявіў Сырскі ў інтэрв'ю тэлеканалу ТСН.
Ён таксама дадаў, што цяпер вядзецца актыўная праца па стварэнні ва Украіне такіх эфектыўных супрацьракетных сістэм, а таксама выказаў надзею, што ў найбліжэйшы час будзе атрыманы жаданы вынік.
КНДР аб'явіла пра запуск свайго «Арэшніка»
Расія не можа рабіць «Арэшнік» без заходніх тэхналогій
Украінскія эксперты разабраліся, з чаго зрабілі расійскі «Арэшнік»
«Людзі гінуць, а яму «цікава»… Д*****б». Украінскае кіраўніцтва пры каментаванні ініцыятыў Пуціна не падбірае слоў
Пуцін прапанаваў Захаду дуэль: атачыць Кіеў сіламі СПА і ўдарыць па ім «Арэшнікам»
«Шугануць Берлін ды іншых еўрапейцаў». Пуцінскі «Арэшнік» можа быць толькі зрэжысіраваным шоу
Цяпер чытаюць
Як у галечы співалася радня Лукашэнкі? Малавядомыя факты2
Каментары