Як адзначае выданне Le Parisien, французскі рэжысёр Бертран Бліе лічыцца чалавекам, які раскрыў шырокай публіцы талент акцёра Жэрара Дэпардзьё. Той у 1973 годзе зняўся ў ягоным фільме «Вальсуючыя».
Бертрану Бліе было 85 гадоў. Ён нарадзіўся 14 сакавіка 1939 года ў сям'і акцёра Бернара Бліе. З 1963 года ён пачаў сваю кар'еру ў кіно і зняў 20 фільмаў, якія пакінулі прыкметны след у гісторыі французскага кінематографа.
У 1979 годзе Бліе атрымаў «Оскар» за карціну «Падрыхтуйце вашы насоўкі», дзе галоўную ролю таксама сыграў Жэрар Дэпардзьё.
Сярод іншых вядомых стужак рэжысёра — «Занадта прыгожая для цябе», «Калі б я быў шпіёнам», «Вячэрняя сукенка», «Халодныя закускі», «Айчым», «Дзякуй, жыццё».
Апошнім фільмам Бліе стаў «Выключны картэж», зняты ў 2019 годзе.
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?3
Каментары