Прэм'ер-міністр Польшчы Дональд Туск заявіў, што Еўрасаюз павінен радыкальна павялічыць выдаткі на ўзбраенне перад абліччам нявызначанага сусветнага парадку, паведамляе «Радыё Свабода».
На сесіі Еўрапейскага парламента ў Страсбургу Дональд Туск выступіў з праграмнай прамовай:
«Калі Еўропа хоча выжыць, яна павінна быць узброеная. Альтэрнатывы няма — Еўропа павінна пачаць абараняць сябе, і таму яна павінна пачаць траціць еўрапейскія грошы на абарону».
Прамова была шмат у чым была прысвечаная таму, што прэзідэнт ЗША Дональд Трамп, які заступіў на пасаду на гэтым тыдні, запатрабаваў ад саюзнікаў па НАТА павялічыць свае ўнёскі да 5% ад ВУП замест цяперашніх 2%.
«Не пытайцеся, што Амерыка можа зрабіць для Еўропы і яе бяспекі — спытайце, што мы самі можам зрабіць для яе», — сказаў Туск.
Пры гэтым ён перафразаваў самы вядомы лозунг Дональда Трампа, сказаўшы: «Еўропа была, ёсць і заўсёды будзе вялікай».
Цяпер чытаюць
На вуліцы Матусевіча ў Мінску побач з дзіцячым садком упаў беспілотнік11
На вуліцы Матусевіча ў Мінску побач з дзіцячым садком упаў беспілотнік
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары